Presidenti Ilir Meta pasi priti sot në një takim gjeneralin e NATO-s, e ka cilësuar përzgjedhjen e Kuçovës si vendndodhje të bazës moderne ajrore të organizatës një investim strategjik për sigurinë kombëtare dhe atë rajonale.
"Baza ajrore e NATO-s në Kuçovë është një investim strategjik si për sigurinë tonë kombëtare, ashtu edhe për atë rajonale", theksoi Meta.
Meta u shpreh më tej se Shqipëria është e interesuar që NATO të forcohet më tej si në aspektin politik ashtu edhe në atë ushtarak, e siguroi gjithashtu gatishmërinë për të plotësuar jo vetëm të gjitha detyrimet por edhe për të marrë përgjegjësi të reja.
Presidenti i Republikës vuri në dukje se pas anëtarësimit të Malit të Zi, anëtarësimi i shumëpritur i Maqedonisë në NATO do të jetë një garanci e shtuar për sigurinë dhe stabilitetin rajonal.
Në 10-vjetorin e anëtarësimit të Shqipërisë në NATO dhe 20 vite pas ndërhyrjes ushtarake të Aleancës, që i dha fund genocidit në Kosovë dhe rajon, Meta u shpreh se shqiptarët nuk do ta harrojnë kurrë kontributin e Shteteve të Bashkuara dhe NATO-s.
Presidenti Ilir Meta dhe Gjenerali i NATO-s, Tod Wolters
Komente
