Takimet e kryeministrit të Kosovës në Bruksel sollën edhe njëherë në vëmëndje të opinionit publik faktin që në takimet e kreut të shtetit me liderët evropianë mungonte flamuri i Kosovës.
Për shkak të pesë vendeve të BE-së që nuk e njohin pavarësinë e Kosovës, institucionet kryesore të BE-së dhe vet Bashkimi Evropian mban qëndrim neutral karshi statusit të Kosovës si shtet.
Por përjashtim bëri vetëm Parlamenti Evropian, pasi në takimin mes Presidentit të PE-së, David Sassoli dhe kryeministrit Albin Kurti është shfaqur flamuri i Kosovës në prapavijë.
Një sjellje e tillë nuk ka ndodhur me takimet që ka pasur shefi i ekzekutivit me presidenten e Komisionit Evropian Ursula von der Leyen dhe me Shefin e Politikës së Jashtme të BE-së, Josep Borell.
Kryeministri Kurti sot kthehet në Prishtinë, pas takimeve që ka pasur në Bruksel.
