KOSOVË-Kryeministri i Republikës së Kosovës, Albin Kurti ka nisur ditën e sotme takimet për formimin e qeverisë së re pas çertifikimit të zgjedhjeve të 9 shkurtit në Kosovë.
Ai ka njoftuar takimin me disa nga partitë politike të pakicave për një konsultim që sipas tij do të realizojë formimin e qeverisë së re.
Kurti ka zhvilluar takimin e parë me Emilija Rexhepin kryetaren e Partia e Re Demokratike. Rexhepi ka konfirmuar gatishmërinë e plotë për vazhdimin e bashkëpunimit me Vetëvendosjen.
“Kurti ka falenderuar Rexhepin për bashkëpunimin e frytshëm, rezultatet e arritura gjatë këtij mandati dhe punët e mbara që na presin në katër vjeçarin e ardhshëm”- thuhet në njoftimin e Qeverisë në detyrë.
Asnjëra nga partitë politike nuk ka mjaftueshëm vota për të formuar e vetme Qeverinë e re.
Vetëvendosja, LDK, PDK dhe AAK kanë futur të gjitha në llogaritë e tyre bisedimet me ‘pakicat’ që kanë 10 vend në parlament.
Komente
