Takimi i 27 shkurtit po afron ku në Bruksel pritet të dalin përballë njëri-tjetrit Albin Kurti dhe Aleksandër Vuçiç për dialogun Kosovë-Serbi.
Ndërmjetësuesit evropianë, Josep Borell e Miroslav Lajçak, kanë dhënë fjalë të mëdha për takimin, duke e quajtur si historik.
Mediat e Kosovës rikthejnë në vëmendje deklaratën e Vuçiç dy ditë para takimit në Bruksel. Në një postim në Instagram Vuçiçi shkroi se duhet të ruhet paqja dhe stabiliteti. Në shkrimin e tij, kreu i shtetit serb duket pozitiv për hapat më pas.
“Ne duhet të ruajmë paqen, stabilitetin dhe të bëjmë hapa të mëdhenj përpara.” – shkroi Vuçiç në Instagramin e tij.
Kujtojmë se bisedimet për Kosovën priten të zhvillohen më 27 shkurt në Bruksel. Pak ditë më parë janë publikuar pikat e marrëveshjes për dialogun Kosovë-Serbi ndërsa nuk flitet për njohje reciproke.
I dërguari i special i Bashkimit Evropian për dialogun Kosovë-Serbi, Miroslav Lajçak ka thënë se takimet mes kryeministrit Kurti e presidentit Vuçiq kanë qenë të vështira.
Megjithatë, në një intervistë për mediat e huaja, Lajçak ka thënë se në takimet e fundit atmosfera ka qenë respektuese.
“Të dy liderët e dijnë që kjo është një detyrë e vështirë, me sfida dhe përgjegjësi. Kështu që, natyrisht, të dy janë duke luftuar për interesat e tyre. Po më duhet të them gjithashtu se, në takimet e fundit posaçërsisht, kemi pasur atmosferë respekti (mes palëve). Herën e fundit, kaluam më shumë se tetë orë, ose dy herët e fundit, në një dhomë, kështu që mund të imagjinoni se është shumë e hapur.” – tha ai.
Herën e fundit, kaluam më shumë se tetë orë, ose dy herët e fundit, në një dhomë, kështu që mund të imagjinoni se është shumë e hapur.” – tha ai.
Lajçak u pyet gjithashtu edhe për marrëdhënien e Kurtit me Vuçiç dhe si mund të përmirësohet në të ardhmen, por Lajçak thotë se shoqëria është një kategori shumë e veçantë, gjithësesi të dy liderë duhet të tregojnë respekt ndaj tjetrit, edhe në deklarata publike.
“Nuk mund ta forcosh një shoqëri. Çka është e rëndësishme në të vërtetë, është se ata respektojnë njëri-tjetrit. Dhe se ata tregojnë këtë respekt të njëri-tjetri. Sidomos, në deklarata publike, mendoj se ka vend për përmirësim.” – tha ai.
