Në fund të mandatit të tij si ambasador i Shteteve të Bashkuara të Amerikës në Shqipëri, Donald Lu po takon të gjithë politikanët shqiptarë.
Pasditen e sotme diplomatin amerikan e shohim në zyrën e Kryetares së LSI-së, znj. Monika Kryemadhi. Në këtë takim lamtumire znj.Kryemadhi falenderoi Ambasadorin Lu dhe Shtetet e Bashkuara të Amerikës për mbështetjen e vazhdueshme që kanë dhënë për konsolidimin e demokracisë në Shqipëri.
Me sa duket takimi mes tyre ka shkuar vaj, pasi si Lu ashtu edhe zonja Kryemadhi duken mjaft të qeshur. Në fotot e shpërndara nga zyra e shtypit Lu fillimisht shfaqet me xhaketë, e më pas me një jelek me motive kombëtare që duket të jetë dhuratë e Kryemadhit.
Donald Lu me xhaketë në takimin me Kryemadhin
Pak më herët ai u takua edhe me Kreun e Shtetit, Ilir Meta. Marrëdhëniet mes tyre u tensionuan dy vite më parë teksa ambasadori lobonte për votimin e reformës në drejtësi. I pyetur nga gazetarët në atë kohë Meta përgjigjej se Me Donald Lu kishte “Vetëm marrëdhënie zyrtare dhe me dëshmitarë”. Ata të dy shkëmbyen replika në distancë edhe kur ambasadori lu u përplas me ish-kryeprokurorin Adriatik Llalla. Por që kur Meta u bë President mes tyre u rikthye paqja.
Komente
