Presidenti i Shteteve të Bashkuara, Donald Trump, e vlerësoi lart takimin midis liderit koreano-verior, Kim Jong Un, dhe presidentit të Koresë së Jugut, Moon Jae-in, duke e cilësuar si “historik”.
“Pas një viti të tërbuar me hedhje raketash dhe prova bërthamore, takimi historik midis Veriut dhe Koresë së Jugut ndodhi. Gjëra të mira po ndodhin, por vetëm koha do të tregojë”.
Reagimi i Donald Trump në Twitter
Kim dhe Moon u takuan të premten në zonën kufitare, në anën e Koresë së Jugut. Dy liderët u zotuan për denuklearizimin e plotë të Gadishullit Korean. Takimi i tyre pritet t’i hapë rrugë edhe samitit të mundshëm midis Kimit dhe presidentit amerikan, Trump, në muajin maj.
Komento