TIRANË - Ish-ambasadori shqiptar në OKB, Agim Nesho foli sot në Report Tv lidhur me bisedimet SHBA-Rusi në Riad të Arabisë Saudite për t’i dhënë fund luftës në Ukrainë. Nesho thekson për Nertil Agalliun në ‘Sot Live në Shqipëri’ se Europa dhe Ukraina nuk do lihen jashtë këtyre bisedimeve.
'Si sekretari Rubio dhe presidenti Trump kanë thënë se Europa dhe Ukrainë do jenë pjesë e bisedimeve, Në Riad u vendosën modalitetet si do kryhet ky operacion. Nuk ka përjashtime. Në analizat e shtypi ndërkombëtar, po të kishte vullnet nga forcat europiane do e kishin realizuar paqen. Kjo Europë nuk ka qenë e interesuar. Ka qenë e interesuar ta lërë Ukrainën fushë betejë. Këtu ngrihet argumenti i Trump për të ndërhyrë për paqe e cila do jetë në shërbim të vendeve që ndërluftojnë.'
Europa sipas tij është më e rrezikuar dhe duhet të kërkojë paqen, pasi Rusia ka edhe synime për vende të tjera si ato balltike apo Moldavinë.
'Për Europën ndihet e rrezikuar, Rusia ka vënë në shënjestër edhe vende të tjera si Moldavia, hapësira kufitare me Detin e Zi, vendet balltike që i quan pjesë e ish BRSS. Europa është më vigjilente se këto negociata duhet të prodhojnë fundin e luftës, por edhe që Rusia të mos e fitojë këtë betejë.'
Më tej Nesho nënvizoi se Trump dhe SHBA duan të tërheqin Rusinë nga miqësia me Kinën.
'Kina nuk duhet të ketë fuqi të mëdha si Rusia. Ndarja e Rusisë është esenciale nga Kina.'
Ndërsa vijoi me konfliktin e heshtur mes Turqisë dhe Rusisë, që prej shekullit XIX.
'Raportet e Rusisë me Turqinë kanë qenë gjithnjë e dy armiqve tradicionalë që kanë luftuar për interesa tokash. Rusia nuk ka pranuar asnjëherë çështjen e Krimesë. Janë parë si dy rivalë. Turqia kërkon të rregullojë raportet e saj. Kërkon një rol të ri në botë. Ideja e forcimit të neo-otomanisë dhe një perandorie të re turke duke mbledhur influencat e atyre vendeve dikur pjesë e perandorisë.
Bisedat mes Rusisë dhe SHBA do vendosin një herë 3 modalitetet. Të hapen kufizimet diplomatike, të përcaktohet ekipi i nivelit të lartë që do bëjnë takimin e Trump dhe Putin. Nuk mund të hiqen jashtë edhe Europa, Ukraina, ashtu dhe fuqi të tjera të fuqishme si Turqia. Por së pari të arrihet një vullnet politik për të pushuar luftën. Pastaj të kthehet në iniciativa të reja. Do kërkohet një paqe që do sigurojë garanci për Ukrainën, por edhe garanci për Ukrainën.'
Komente
Disa procese nukbi ndalon dot as Amerika dhe askush tjeter , bota po ndryshon leader dhe kjo duket qarte por vetem perendimoret duket se nuk e kuptojne cfare po ndodhe ne bote
Përgjigju