Të rinjtë duhen dëgjuar më shumë, idetë e tyre duhet të pranohen dhe vlerësohen. Këtë këshillë u dha institucioneve ambasadori i BE në vendin tonë Silvio Gonzato gjatë takimit rajonal "Dialogu social në vendet e Ballkanit Perëndimor", që u mbajt në Tiranë.
“Dialogu i duhur social ndikon në trajtimin e papunësisë, pabarazisë në vendin e punës dhe për shëndetin e sigurinë në punë Të rinjtë shpesh janë të shqetësuar për të ardhmen dhe kjo sjell dëshirën për të emigruar”, u shpreh ambasadori Silvio Gonzato.
Ambasadori i BE-së tha se gjatë takimeve me të rinjtë në Shqipëri tre janë shqetësimet kryesore të tyre.
“Të rinjtë kanë pasiguri për punën, kjo mund të vijw edhe prej punësimit informal, nuk paguhen ditët kur nuk janë mirë me shëndet. Shqetësim tjetër është cilësia e arsimit. Por edhe korrupsioni, është pengesë e madhe për të rinjtë që të realizojnë ëndrrat. Mungon një sistem që bazohet tek merita”, tha Gonzato.
E pranishme në takim kryenegociatorja për Shqipërinë Majlinda Dhuka u përqendrua tek mundësitë që do të sjellë për tregjet anëtarësimi në BE.
“Ne po e bëjmë këtë me model partneriteti. Kjo është e qartë sepse plani i rritjes është partneritet i BE me Ballkanin Perëndimor dhe integrimi i këtyre tregjeve. Kjo do të sjellë mundësi për punonjësit, por edhe mundësi për atë që quhet zinxhiri i vlerës që do të thotë rritja e njohurive të bizneseve dhe punonjësve. Nga ana tjetër ka disa programe të BE që po vihen në zbatim në vendet tona. Falenderojmë BE për faktin që fusha si dialogu social, punësimi dhe veçanti rinia, i kanë përparësore dhe këtë e kanë treguar me programet BE për rininë. Ne kemi krijuar këtë urë me partnerët tanë sociale dhe nga BE me bashkëpunimin me komiteti ekonomiko-social të BE. Duam të gjejmë një model më të mirë edhe për grupet e interesit dhe përfaqësimin e tyre. Po shikojmë modelin e komitetit se si përbëhen këto komisione. Evropa është këtu.”, u shpreh Dhuka.
Ndërsa zëvendësministrja e Ekonomisë Olta Manjani theksin e vuri tek informaliteti.
“Informaliteti në punësim, boshllëku në paga si dhe nevoja për kontrata kolektive. Kemi angazhim për të fuqizuar edhe më shumë dialogun social që ti garantojmë punëdhënësit dhe punëmarrësit se dëgjohen”, tha Manjani.
Aktiviteti u zhvillua një ditë para se institucionet vendase dhe ndërkombëtarët të ulen në ‘Takimin e Parë të Komitetit të Përbashkët Konsultativ Socio-Ekonomik Evropian’, që do të zhvillohet më 4 prill.
Ambasadori i Bashkimit Europian në Tiranë ka folur ditën e sotme në takimin ‘Dialogu social në vendet e Ballkanit Perëndimor’. Gonzato ka theksuar se duhet të jenë në fokus të politikat sociale, pasi sipas tij shihet një pasiguri në raport me vendin e punës nga të rinjtë duke parë dëshirën e tyre për emigrim.
Nga ana tjetër Gonzato theksoi se sipas tij mungon një sistem që bazohet tek merita.
"Dialogu social luan rol në shëndetin e Shqipërisë dhe është pjesë e rëndësishme e politikave sociale dhe të punësimit që janë edhe pjesë e grup kapitullit numer 3 që do të çelet shumë shpejt. Dialogu social nuk është i rëndësishme vetëm për anëtarësim por edhe për kohezionin. Të rinjtë shpesh janë të shqetësuar për të ardhmen dhe kjo sjellë dëshirën për të emigruar sepse kanë pasiguri për punën, kjo mund të vij edhe prej punësimit informal, nuk paguhen ditët kur nuk janë mirë me shëndet. Shqetësim tjetër është cilësia e arsimit. Por edhe korrupsioni, është pengesë e madhe për të rinjtë që të realizojnë ëndërrat. Mungon një sistem që bazohet tek merita. Na duhet një dialog social dhe domethënës. Shpesh OJQ janë në pozitë më të mirë se zyrtarët për të folur me të rinjtë. BE keni në krah për t'ju ndihmuar për t'ju ndihmuar me punësimin dhe dialogun social, përmes planit të rritjes që adreson çështjet socio-ekonomike në Shqipëri por në Ballkanin perëndimor në tërësi."-tha Gonzato.
Komente
Keq me vjen por kjo nuk ka lidhje me kete detyre po fare.
Përgjigju