Këtë muaj, më datë 24, agresioni rus në Ukrainë feston ditëlindjen e tij të tretë si luftë aktive, por shpresat janë që kjo të jetë e fundit.
SHBA-të me përfaqësues kryesor të ekipit negociator Sekretarin amerikan të Shtetit, Marco Rubion, dhe Rusia me udhëheqës të delegacionit të saj, ministrin e Jashtëm, Segei Lavrov, u takuan në Riad të Arabisë Saudite, me qëllim konkretizimin e nisjes së negociatave për përfundimin e luftës në Ukrainë.
Për të analizuar informacionet që dolën nga ky takim, ishte i ftuar në “Frontline” me Marsela Karapançon në Report Tv, Artur Meçollari, ish Komandant i Forcave Detare.
Meçollari tha se deklaratat që palët bënë pas përfundimit të takimit tregojnë se ende nuk është vënë gurthemeli i përfundimit të luftës në Ukrainë.
“Të dy palët nuk janë në të njëjtën linjë pavarësisht gjërave pozitive që ata shprehën në fund të takimit. Takimi ishte poozitiv për Rusinë sepse i dha mundëisnë të dalë nga izolimi ndërkombëtar, nga Perëndimi”,-tha Meçollari.
Ish Komandanti i Forcave Detare nënvizoi se mos përfshirja e Kievit në bisedime, si palë, e bën të papranueshme marrëveshjen që mund të prodhojnë këto negociatave.
“Ata mund të arrijnë një marrëveshje por është e paimplentueshme nëse nuk është Ukrainë pjesë”,- tha Meçollari.
“Përcaktimi i kufijve duhet të jetë midis palëve, pa qenë Ukrainë palë, marrëveshja nuk mund të jetë efektive”,- shtoi ai.
Sipas Meçollarit, mënyra që Trump po tenton të rivendosë paqen në Ukrainë, është e parealizueshme, pasi është në disfavor të Kievit. Kushti i presidentit 78-vjeçar që burimet me minerale të Ukrainës të shfrytëzohen nga SHBA në këmbim të paqes me Rusinë, për Meçollarin është cënim i integritetit.
“Paketa e cila propozon Trump nuk mund të funksionojë. Nuk mund të gjendet një njeri që të firmosë koncesionin në Ukrainë sepse do të bënte tradhëti. Në përgjithësi plani i Trump cilësohet tradhëti ndaj Ukrainës sepse cënon integritetin,- theksoi Meçollari.
Komente
Mecooo,kush tha se Rusia doli nga izolimi?! Kur i ben pazaret pa hanxhite,d.m.th.pa Ukrainen e BE,ne izolim mbetet dhe nuk ka garanci nese do te dale edhe po i pati keta ne tryeze per bisedime.
Përgjigju