TIRANË- Edhe pse thotë se Partia Socialiste ishte ajo që i dha jetë reformës në drejtësi, kryeministri Edi Rama angahzimin e tij 'nuk e mbyll me kaq', por kërkon që garantohet pakthyeshmëria e saj. Në një takim të nivelit të lartë, edhe me përfaqësues të Bashkimit Europian, kreu i qeverisë tha se paprekshmëria e institucioneve garantohet vetëm me hyrjen në Bashkimin Europian.
“Garantimi i pakthyeshmërisë i reformës në drejtësi është sfida e sfidave. Kur të hyjmë në BE, nuk është më alarm, por deri kur të hyjmë në BE duhet të jetë një alarm i vazhdueshëm që reforma në drejtësi të jetë e pakthyeshme, që institucionet e drejtësisë të jenë të paprekshme. Këto gjëra kanë ndodhur në historinë e Shqipërisë më shumë se një herë dhe s’ka arsye. Prandaj është i rëndësishëm ky komision dhe që pakthyeshmëria të jetë një nga pikat kyçe të referimit tonë.”, tha Rama.
Poshtë hodhi të gjitha spekulimet se Komisioni i Posaçëm Antikorrupsion do ndërhynte në reformën në drejtësi.
“Puna e komisionit, kujtoj se u shoqërua me konfuzion dhe me mosbesim dhe prekën edhe miqtë përfaqësues të komunitetit demokratik në Tiranë. Është shumë e çuditshme sesi Tirana infekton komunitetet që vinë dhe nga vendet e ftohta. Kjo bëri që komisioni të shkonte nga një anë, që ekzaktësisht shkon në fjalën që këtu u përmend që është fjala konsolidim”, tha Rama.
Për kryeministrin Edi Rama, Shqipëria nuk ka rrugë tjetër veçse integrimit në Bashkimin Europian, për të cilin thotë se janë të vetëdijshëm që nuk është një ‘bankomat’, por e sheh si të vetmen mënyrë ku mund të garantohet liria dhe barazia para ligjit, pavarësisht se kush udhëheq në Tiranë.
"Për ne shqiptarët, ka qenë më e thjeshtë dhe mbetet më e thjeshtë, pseja e domosdoshmëristë të të qenit anëtarë të BE. Për ne shqiptarët të qenit anëtarë të BE, është të qenit përfundimisht të lirë nga hija e historisë sonë dhe të sigurt se liria jonë individuale dhe barazia para ligjit, nuk do jenë një atribut i lëvizshëm në varësi nga kush qeveris këtu në Tiranë”, tha Rama.
Rama u ndal edhe tek drejtësia e re, pavarësinë e së cilës ia atribuon Partisë Socialiste, indirekt edhe me ndonjë dozë kriticizmi për punën e SPAK.
“Ne e kemi dorëzuar shpatën. Drejtësia sot përmes institucioneve të reja thërret në pyetje kë të dojë, vë në hetim kë të dojë, ngre akuza për kë të dojë, dhe dënon kë të dojë. Në kuptimin kë gjen fajtor. Edhe pak kë të dojë… por përgjithësisht kë gjen fajtor", tha Rama.
Në takimin e dytë të nivelit të lartë që u mbajt në Pallatin e Kongreseve për Shqipërinë 2030 dhe rrugën e reformave të pranishëm ishin edhe kryetarja e Kuvendit Elisa Spiropali dhe kryetari i Komisionit Antikorrupsion Fatmir Xhafaj.
Kreu i qeverisë Edi Rama, nuk ka kursyer batutat as me përfaqësuesit e huaj ditën e sotme në aktivitetin ‘Shqipëria 2030 në BE-Rruga e Reformave’.
Rama ka thënë se nuk e priste që të vinte një ditë të fliste mirë për Këshillin e Europës, edhe për këtë sipas tij BE mos të bëhet xheloze se, sipas kryeministrit, Shqipëria i falet BE-së më shumë se myslimanët Allahut
"Nuk e prisja që do vinte një ditë që unë do shprehesha me tone kaq pozitive për Këshillin e Europës sepse prej vitesh KiE më është dukur paksa si një mauzoleum i të drejtave por jemi shumë mirënjohës realist për ekspertizën nga Këshilli i Europës për këtë proces të misionit. Dhe e di shumë mirë që Valentina nuk bëhet xheloze se BE-në ngelëm duke e falenderuar mëngjes, drekë, darkë. Myslimanët pesë herë, i falen Allahut pesë herë, ne i falemi BE-së më shumë se pesë herë në ditë."-tha Rama.
Kryeministri Edi Rama në aktvitetin “Shqipëria 2030 në BE - Rruga e Reformave” është ndalur te drejtësia.
Rama ka theksuar se sot sipas tij, ‘drejtësia thërret dhe heton’ kë të dojë, ndërkohë që më para kjo nuk ka ndodhur.
"Drejtësia sot përmes institucioneve të reja, thërret në pyetje këtë të dojë, vë në hetim këtë të dojë, ngre akuza për kë të dojë dhe dënon kë të dojë. Në kuptimin kë të dojë, kë sheh fajtorë. Edhe pak kë të dojë por kë gjen fajtorë. Kështu që ne nuk kemi asnjë pishman, i themi ne nga perandoria e vjetër, pendesë. Përkundrazi edhe pse kjo është një rrugë e vështirë. Ka ato problematikat e veta, ato të metat e veta, ka dhimbjet e veta. Është e vetmja rrugë, nuk ka një tjetër, çdo rrugë tjetër është kthim prapa në të kaluarën. Kështu që ne jemi shumë të vendosur ta konsolidojmë këtë proces."-tha Rama.
Në takimin e dytë të nivelit të lartë “Shqipëria 2030 në BE - Rruga e Reformave”, kryetarja e Kuvendit Elisa Spiropali tha se Shqipëria nuk ka qenë kurrë më parë pranë Bashkimit Evropian. Sipas saj, edhe Unioni evropian nuk ka qenë më i bindur për progresin e vendit tonë drejt rrugëtimit të saj.
“Asnjëherë Shqipëria dhe shqiptarët nuk kanë qenë kaq afër, të qartë dhe të vendosur në rrugëtimin e tyre drejt familjes evropiane. Asnjëherë BE nuk ka qenë kaq i bindur dhe qartësisht për progresin dhe anëtarësimin e Shqipërisë. Jemi në një momentum historik që po e shfrytëzojmë për ta vendosur brenda kësaj dekade yllin e Shqipërisë mes 27 yjeve të Evropës. Tashmë që forcat politike kanë zbritur në fushë për 11 maj ta konsiderojmë këtë fushatë zgjedhore si mundësi për t'u bashkuar më shpejt familjes tonë të nartyeshme evropiane.”, u shpreh Spiropali.
Ajo tha se Kuvendi do të vazhdojë të mbështesë reformën në drejtësi.
“Kuvendi do të vazhdojë të mbështesë reformën në drejtësi dhe pavarësinë e institucioneve të drejtësisë, harmonizimin e sundimit të ligjit me të drejtat kushtetuese dhe ligjore. Në këtë mbështetje mbajmë parasysh edhe vlerësimet dhe rekomandimet të raportit të Komisionit Evropian për shtetin e së drejtës dhe pozicionin e përbashkët të BE për grupkapitujt të parë. Sfida është zhvillimi i legjislacionit që kemi miratuar dhe garantimi i praktikave më të mira.”, u shpreh mes të tjerash Spiropali.
Kryeparlamentarja përmendi gjithashtu edhe konfliktualitetin politik, duke thënë se ka penguar në disa raste funksionimin normal të institucioneve të pavarura dhe të vetë Kuvendit.
“Do të gjejmë rrugëdalje nga polarizimi i lartë që i janë imponuar kuvendit si pasojë e konfliktualitetit politik, i cili ka penguar funksionimin normal të disa institucioneve të pavarura. Kuvendi është duke inkorporuar mjaft praktika parlamentare të vendeve të BE dhe PE. Përveç propozimeve të deritanishme, të përfshihen edhe ide dhe rekomandime për implementimin në kuvend edhe të modele dhe parlamenteve të vendeve të BE.”, shtoi kryeparlamentarja.
Kryeministri Edi Rama me batuta në takimin “Shqipëria 2030 në BE - Rruga e Reformave” tha se Shqipëria nuk do ta lërë BE edhe nëse një ditë ata çmenden dhe duan ta shkatërrojnë.
“Dua të falënderoj ata që na u gjendën në këtë ditë të ngatërruar, ku gati-gati sa nuk na vunë me shpatulla për muri, si një grup subversiv që u krijua për të vrarë fëmijën që pollën vetë. E vlerësojmë shumë këtë gjë, kush na besoi tani e kupton që është krejt e kundërta dhe kush nuk na besoi e ka të vështirë të jetë prezent sot, por do vijë se nuk ka ku shkon. Me një kujtesë, po ndahem nga kjo foltore. Që nga 1912 kur kemi krijuar qeverinë e parë, u ndamë të fundit nga perandoria otomane, se ne përgjithësisht jemi besnikë ndaj perandorive dhe ndahemi nga për pasi perandoritë ndahen nga vetvetja, këtë punë kemi pas gjithmonë. Kështu do jetë edhe me BE, nëse një ditë do të çmendeni dhe doni ta shkatërroni, ne nuk e lëmë BE, do e krijojmë BE këtu në Shqipëri, Brukseli do jetë këtu më Tiranë”, tha Rama.
Kryeministri Edi Rama shprehet se Shqipëria nuk ka rrugë tjetër veçse integrimit në BE. Në takimin “Shqipëria 2030 në BE - Rruga e Reformave”, Rama tha se e Shqipëria e di shumë mirë që BE nuk është as bankomat dhe as park ku shkohet për qejf, por një familje jo e lehtë për t’u bërë pjesë.
“Dua të them që ne nuk kemi asnjë zgjedhje tjetër dhe nuk duam asnjë zgjedhje tjetër, ne kemi vetëm një zgjedhje, vetëm një plan, vetëm një rrugë që është BE. Për ne është shumë e qartë, ne nuk jemi perëndimorë të përkëdhelur nga fati, ne nuk jemi rritur aty dhe ashtu si janë rritur ata që janë rritur në Europën e viteve ‘70-‘80, ne jemi rritur në ferr dhe ne e dimë shumë mirë që BE është shumë më tepër se sa një bankomat. Ne e dimë shumë mirë që BE është vendi i shpëtimit tonë nga historia jonë. Ne e kemi shumë të qartë që BE është edhe këndi nga ne duhet të shohim vetë historinë tonë. S’mund ta shohim BE me sutë e të shkuarës, duhet të shikojmë të shkuarën me sytë e BE. Dera që është hapur duhet shfrytëzuar pa u mbyllur. Jam këtu për ta konfirmuar këtë fuqimisht, besojmë pa kushte në këtë proces, e dimë shumë mirë që BE nuk është një park ku shkohet për qejf, është një familje jo e lehtë, për të qenë pjesë, por ama është e vetmja familje ku ne mund të jemi përfundimisht të sigurt dhe ne mund të kemi një të ardhme të pakërcënuar përditë nga e shkuara”, tha Rama.
Kryeministri Edi Rama thotë se Komisioni i Posaçëm Antikorrupsion ishte rezultat i një ndjenje alarmi të brendshëm përballë sfidës së negociatave. Ai tha se nuk është qeveria e Shqipërisë ajo që negocion me BE, por shteti shqiptar, dhe për këtë arsye, institucionet duhet të jenë të koordinuara dhe të japin llogari në parlament.
“Komisioni i Posaçëm ka qenë rezultat i një ndjenje alarmi të brendshëm përballë gjithë malit të negociatave dhe përballë sfidës së jashtëzakonshme institucionesh dhe burimesh në funksion të negociatave. Nuk negocion qeveria e Shqipërisë me BE, negocion i gjithë shteti shqiptar, një numër i madh institucionesh të pavarura agjencish dhe nevoja që skuadër kombëtare të jetë e koordinuar është themelore. Përpara kujt do të përgjigjet cilido nga institucionet që nuk performon si duhet në tryezën e negociatave. Përpara qeverisë nuk është e mundur, qeveria përgjigjet për veten e vet, dhe qeveria jep llogari në parlament nëse nuk është duke përmbushur një objektiv të këtij procesi historik. Të gjithë duhet t’i referohen kuvendit. Celebrimi i atyre që kemi arritur është i lehtë, por përmirësimi dhe adresimi i çfarë kemi mësuar në 10 vjet se nuk shkon është i vështirë dhe nuk mund të ketë përmirësim nëse nuk kontribuojnë të gjithë nga këndvështrimi i tyre se si duhen prekur ligjet dhe duhet ndërhyrë në ngrehinën që kemi ngritur së bashku dhe që të funksionojë më mirë.”, u shpreh kryeministri.
Kreu i qeverisë tha se sfidë mbetet pakthyeshmëria e reformës në drejtësi, ndërsa shtoi se vetëm me hyrjen në BE, institucionet e saj do të mbeten të paprekura.
“Garantimi i pakthyeshmërisë i reformës në drejtësi është sfida e sfidave. Kur të hyjmë në BE, nuk është më alarm, por deri kur të hyjmë në BE duhet të jetë një alarm i vazhdueshëm që reforma në drejtësi të jetë e pakthyeshme, që institucionet e drejtësisë të jenë të paprekshme. Këto gjëra kanë ndodhur në historinë e Shqipërisë më shumë se një herë dhe s’ka arsye. Prandaj është i rëndësishëm ky komision dhe që pakthyeshmëria të jetë një nga pikat kyçe të referimit tonë.”, tha Rama.
Kryeministri Edi Rama në takimi i dytë të nivelit të lartë “Shqipëria 2030 në BE - Rruga e Reformave” është ndalur tek skepticizmit sipas tij, që pati gjatë nisjes së punës së Komisionit Anti-Korrupsion, që drejtohet nga Fatmir Xhafaj.
Rama tha se disa nga përfaqësuesit e huaj në Shqipëri, u ‘infektuan’ sipas tij, nga opozita për teoritë konspirative që u hapën për Komisionin Anti-Korrupsion, që do ishte si një mjet për të ndërhyrë në Reformën në Drejtësi.
Nga ana tjetër Rama theksoi se Shqipëria është vlerësuar në raportin e GREKO-s si një vend që është rritur me 18 vende më shumë në rënditjen në luftën ndaj anti-korrupsionit.
"Në këtë sfond ku jeton dhe merr fund aktualisht BE. Puna e komisioni kujtoj se u shoqërua me konfuzion dhe me mosbesim dhe prekën edhe miqtë përfaqësues të komunitetit demokratik në Tiranë. Është shumë e cuditshme sesi Tirana infekton komunitetet që vinë dhe nga vendet e ftohta. Kjo bëri që komisioni të shkonte nga një anë, që ekzaktësisht shkon në fjalën që këtu u përmend që është fjala konsolidim. Në funksion të anti korrupsionit dhe sundimit të ligjit dhe mirëqeverisje në tërësi. Qysh në 27 Maj kur komisioni ka nisur punën, jemi pozicionuar më mirë si asnjëherë në fushën e mirëqeverisjes dhe anti korrupsioni apo nga Valentina për vlerësimin e GREKO-s, që na ngjiti 18 vende në indeksin e korrupsioni.
Vlerësim që u bë nga fondacionet e huaj si një nga 8 vendet nga 137 vende të botës në aspketin e qeverisjes dhe në tërësi një vlerësim që neve na thotë shumë për të na inkurajuar por nuk na pengon që të vazhdojmë të këmbëngulim në një pikë. Pikërisht te konsolidimi. Sepse dicka është e brishtë dhe kthyeshme. Është ende vunerabël dhe prandaj na duhet BE, si një derë që është hapur si mundësi reale, jo aktuale që në fund të 2027 ne mund të fitojmë negociatat. Sepse është një derë që mund të mbyllet, se historia e zgjerimit tregon që vendet që duan të hyjnë në atë derë me ata që janë pas dere. Ne jemi shumë të bindur që ky komison, është kyç. Nuk ka liri individuale përvec se në këtë sistem që kemi zgjedhur dhe për ne përvec BE-së."-tha Rama
Kryeministri Edi Rama foli në takimin e nivelit të lartë “Shqipëria 2030 në BE - Rruga e Reformave”, ku theksoi edhe njëherë rëndësinë e integrimit të Shqipërisë në BE. Rama tha se për shqiptarët të qenit anëtarë të BE, është të qenit përfundimisht të lirë nga hija e historisë sonë. Kreu i qeverisë tha se vetëm në BE mund të garantohet liria jonë individuale dhe barazia para ligjit, pavarësisht se kush udhëheq në Tiranë.
“Doli një anketë për nivelin e mbështetjes së BE, brenda BE, nga ana e popujve që e përbejnë familjen europiane. Një anketë e cila publikohet që prej vitit 1983, qysh prej 1983, BE nuk ka qenë më popullor brenda perimetrit të vet, në këndvështrimin e popujve të vet, sesa aktualisht. Është një ndryshim dramatik i këndvështrimit popullor në BE, që natyrisht vjen si rezultat i faktit se çka ishte marrë deri para pak kohësh si e mirëqenë, nuk është më e mirëqenë. Për herë të parë në histori, një gjeneratë e tërë nuk ka parë në luftë, se nuk kishte parë një luftë, janë vetëdijesuar se BE është edhe një perimetër sigurie, brenda të cilit vendet dhe popujt që e përbëjnë ndihen dhe duan të mbeten të pakërcënuar në të gjitha ato që kanë arritur dhe në të gjitha në lirinë e tyre individuale dhe në barazinë e tyre para ligjit. Patjetër pastaj edhe në të gjitha asketet e tjera që e bëjnë BE një krijesë të jashtëzakonshme politike. Për ne shqiptarët, ka qenë më e thjeshtë dhe mbetet më e thjeshtë, pseja e domosdoshmëristë të të qenit anëtarë të BE. Për ne shqiptarët të qenit anëtarë të BE, është të qenit përfundimisht të lirë nga hija e historisë sonë dhe të sigurt se liria jonë individuale dhe barazia para ligjit, nuk do jenë një atribut i lëvizshëm në varësi nga kush qeveris këtu në Tiranë”, tha Rama.
Kryetari i Komisionit të posaçëm Antikorrupsion, Fatmir Xhafaj foli në takimin e nivelit të lartë “Shqipëria 2030 në BE - Rruga e Reformave”. Në fjalën e tij, Xhafaj tha se kjo reformë u ndërmor nga PS me qëllimin që Shqipëria të përmbushë detyrat për integrimin në Bashkimin Europian. Reforma e dytë më e madhe, pas asaj të reformës në drejtësi, e konsideroi Xhafaj.
Xhafaj deklaroi se reforma e iniciuar muaj më parë synon të konsolidojë arritjet dhe të thellojë reformat shtetndërtuese, ndërsa tha se Shqipëria kërkon të bëhet pjesë e BE vetëm duke plotësuar detyrat.
“Muaj më parë në iniciuam një reformë që synon të konsolidojë arritjet në këto fusha. Të ofrojë zgjidhje për të ecur para në këtë udhë synojmë të mos qëndrojmë në vetëkënaqësinë e arritjeve të realizuara, por me kurajo të vetëreflektojmë të ecim para, për të përmbushur detyrat për integrimin, për të afruar shansin e madh të anëtarësimit, për të vazhduar ciklin e reformave, për të thelluar reformat shtet ndërtuese. Ky është procesi i dytë reformave i përmasave të tilla, pas reformës në drejtësi, mbështetur në arritjet e saj. Proces i mbështetur në 4 parime, gjithëpërfshirja, transparenca, profesionalizimi dhe standardet ndërkombëtare. Procesi i miratimit të akteve është realizuar nga grupi i ekspertëve të nivelit të lartë. Kjo reformë, sikur vepruam me reformën në drejtësi, synon ta shndërrojë këtë mundësi në një reformë të të tre pushteteve, fokus në tre shtylla, mirëqeverisjen, antikorrupsioni dhe sundimin e ligjit. Ky proces reformimi dëshmon se ne kemi vizonin dhe aftësinë të ecim vetë para. Duhet të jemi krenar që kemi aftësinë për të marrë reforma të tilla parlamentare si reforma në drejtësi dhe kjo reformë e thellë në këto tre fusha. Fati më ka qëlluar që të kryesoj të dy komisionet parlamentare. Nga kjo përvojë e krijuar them me bindje se tashmë kemi kapacitete për të ndërmarrë hapa të tilla që vende të ngjashme me ne nuk kanë pasur kurajo të marrin”, tha Xhafaj.
Komente
