Elita globale që trajton problemet më të mëdha të botës, duke përfshirë pabarazinë gjinore, në samitin e Davos-it po nxit një rritje të prostitucionit në qytetin turistik zviceran. Mediat britanike shkruan se kërkesa për shërbime seksuale është rritur nga viti në vit si pasojë e takimit të liderëve botërorë dhe manjatëve të biznesit që vijnë nga e gjithë bota.
Një prej tyre është edhe Liana, që tha se është detyruar që të vishet me veshje biznesi në mënyrë që të mos dallohet në mesin e drejtuesve. Ajo tregoi se shkon çdo vit në këtë organizim dhe paguhet 700 € ora ose 2,300 € për gjithë natën, plus shpenzimet e udhëtimit. 36-vjeçara tregoi se po qëndron në një hotel pranë Davos gjatë samitit, por nuk pranoi të tregojë se cilët janë klientët me ndikim.
Në vitin 2020, një hetim nga The Times zbuloi se të paktën 100 prostituta udhëtonin në Davos për samitin sipas një oficeri policie zvicerane.
