6 ditë pasi Qeveria e Kosovës vendosi taksën 100% për tarifën doganore ndaj mallrave dhe produkteve të Serbisë dhe Bosnjës, sot rezulton se importi i këtyre mallrave nga këto dy shtete thuajse ka rënë në zero raportojnë mediat në Kosovë.
Zëdhënësi i Doganës së Kosovës, Adriatik Stavileci ka deklaruar së fundi se vetëm dy maune me mallra nga Serbia dhe Bosnjë-Hercegovina kanë hyrë në Kosovë pas vendosjes së taksës prej 100 për qind nga ana e Qeverisë së Kosovës.
“Pas vendosjes së tarifës së taksës nga qeveria, vetëm të shtunënkanë hyrë dy mauna nga Serbia e tjetra nga Bosja-Hercëgovina “ ka thënë Stavileci,duke sqaruar se fluksi i kamionëve që kalojnë nga këto dy shtete po shkojnë drejt zerimit , raporton Periscopi.com
Nëkohë bëhet e ditur se shtabi i krijuar në komunat veriore të Kosovës , këtë të hënë ka marrë vendimin që serbët e këtij rajoni të dalin në protestë të marten.
Mësohet se protestat do të mbahen në shenjë kundërshtimi ndaj ngritjes 100 për qind të tarifës doganore për mallrat e Serbisë që hyjnë në Kosovë.
Më herët Kryeministri i Kosovës, Ramush Haradinaj është deklaruar se vendosja e kësaj mase mbrojtëse është një lëvizje e drejtë, që qeveria e ka bërë duke analizuar respektimin e marrëveshjes tregtare që parashikon pakti tregtar mes vëndeve të Europës qëndrore.
Ndërkohe që vendimi për këtë taksë është komentuar në Beograd ,si një kundërpërgjigje për mospranimin e anëtarësimit të Kosovës në Interpol.
Rritja e taksës me 100 për qind ndaj produkteve serbe u miratua më 21 nëntor në mbledhjen e qeverisë së Kosovës, vendim i cili ka ngjallur reagime nga ana e përfaqësuesve të BE-së Federica Mogherini dhe Johannes Hanh të cilët e kanë cilësuar si shkelje të marrëveshjes së tregtisë së lirë, për vendet e Europës Qëndrore.
Ndërkohë ditën e sotme edhe Shtetet e Bashkuara u kanë bërë thirrje autoritetevetë Kosovës heqjen dorë prej tarifës së importeve nga Serbia dhe Bosnje-Hercegovina për të shmangur provokimet dhe zbutur tensionet dhe vijuar dialogun mes këtyre dy vendeve.
