Ish-kryeministri Sali Berisha shprehet kundër taksës në "Rrugën e Kombit" pasi sipas tij kjo rrugë aktualisht gjeneron mbi 300 milionë euro të ardhura në vit. Kjo shumë, sipas Berishës, mund të përdoret për mirëmbajtjen e saj. Ish-kreu i qeverisë akuzon pasardhësin e tij se po takson shqiptarët pse po udhëtojnë te njëri-tjetri.
"Sot filloi taksa “Edvin”, 5 deri e 10 euro ne rrugen e Kombit!
Duke filluar nga sot, çdo automjet qe do kaloje ne rrugen e Kombit do paguaje taksen “Edvin”; 5 deri ne 10 euro! Shqiperia nga Rruga e Kombit siguron mbi 300 milione euro te ardhura ne vit. Ne vend qe nje perqindje e tyre te perdoren per mirembajtjen e saj, Edvin Kristaq Rama takson shqiptaret pse udhetojne tek njeri tjetri! Turpi i Kombit! sb
Sali Berisha, ish-kryeministër
Punimet për Rrugën e Kombit nisën në shkurt të vitit 2007 dhe u inaugurua përpara zgjedhjeve parlamentare të vitit 2009 me çeljen për qarkullimin e automjeteve të tunelit të Kalimashit. Por edhe pse kanë kaluar 9 vjet nga inaugurimi formal i rrugës, autostrada që bashkon kombin në disa segmente të saj nuk ka përfunduar ende.