Partia Demokratike ka denoncuar një rast në Shkodër, ku sipas saj një 69-vjeçari me Covid-19 i është ngatërruar rezultati i tamponit. Në një reagim në 'Facebook', ish-deputeti i PD, Bardh Spahia thotë se pacianti ka qendruar në spitalin e Shkodrës për më shumë se 24 orë në kontakt me familjarë dhe personel shëndetësor.
Sipas tij shkak i rritjes së numrit të viktimave është fakti se nuk po i bëhet tamponit personave që kanë pasur kontakte me pacientë të infektuar. PD këmbëngul në rritjen e numrit të tamponëve, si e vetmja mënyrë për të identifikuar dhe më pas izoluar rastet.
"Një 69 vjecari nga Mjeda e Vaut të Dejës i paraqitur me shenja klinike të dyshuara si Covid në Shkodër, i ngatërrohet rezultati i tamponit dhe i thuhet se ka rezultuar negativ. Por gjatë qëndrimit në spital për të trajtuar simptomat që vijojnë akute, kuptojnë se është bërë ngatërresa në rezultat, dhe 69 vjecari ka qenë pozitiv. Këtu merr fund refuzimi për ta dërguar në Tiranë dhe sillet me urgjencë në orët e vona të mbrëmjes së kaluar në spitalin infektiv.
Ndërkohë, personi ka qëndruar mbi 24 orë në spital, në kontakt me pacientë të tjerë, me personel shëndetësor e mbështetës, e familjarë.
Ja pra një mënyrë se si përhapet Covid, nga papërgjegjshmëria apo zelli i tepërt për të bërë tamponët për qoka, e kur ka raste konkrete, nuk kanë vëmendjen e duhur!
Denoncimet janë të shumta sesi refuzohet testimi për familjarë të një personi të prekur, edhe kur për shkak të Covid ka ndërruar jetë e kjo së fundmi ka ndodhur në Tiranë. I lenë njerëzit deri në ekstrem me agravim të simptomave dhe fare pak shpresë mbetet pasi futen në frymëmarrje mekanike apo të drejtuar! Dhe numri i viktimave po rritet…
Sugjerimi ynë mbetet i njëjtë që prej fillimit bazuar në eksperiencën e vendeve të tjera: të rritet numri i tamponëve sa më shumë: të testohet rregullisht i gjithë personeli mjekësor, të mos injorohen ankesat e qytetarëve, se nuk vijnë me porosi nga lart, sepse jo vetëm që është skandaloze si filozofi pune, por edhe tregon injorancë mbi faktin se Covid nuk zgjedh e sa më shumë të përhapet, aq më pranë vjen, secilit prej nesh!!!!", shkruan Bradh Spahia.
Komente
paska dale perseri edhe ky gjytrymi i Pd-ës,per mjeksin.
Përgjigju