Kryeministri Edi Rama, i është përgjigjur komentuesve në rrjetet sociale, në rubrikën ‘Sy m’Sy lidhur me arsimin në vend.
Një komentues shkruan: ‘Tani që Shqipëria nuk ka më fëmijë, po ndërtohen shkolla. Hajde merre vesh këtë punë se përse duhen këto godina, se arsimi ka 35 vjet që nuk ekziston’, shkruan ai.
Ndërkohë, kryeministri Rama ka bërë me dije se arsimi në vend ka ndryshuar krahasuar me vite më parë, ndërsa tha janë 430 shkolla të ndërtuara në vend dhe 200 të tjera pritet që të ndërtohen.
Rama tha se po ashtu rroga e mësuesit është rritur, ndërsa pritet të krijohet edhe shoqëria për transportin publik falas për nxënësit që jetojnë larg shkollës.
‘Si mo shikon gjithë ato projekte ndërtimi dhe rindërtimi shkollash dhe thua që pse i harxhoni kot lekët. Shqipëria ka afro çerek milioni fëmijë në shkollat 9 vjeçare dhe të mesme dhe ka dhjetëra të tjerë në moshë për të shkuar në çerdhe dhe në kopshte. Kur ne morëm detyrën shkollat ishin mysybet dhe të gjithë prindërit ishin të detyruar që ti blinin vet librat dhe sot janë 238 mijë nxënës i marrin librat falas. Paga mesatare e mësuesit sot është dyfishuar, kur ne morëm detyrën ishin 420 euro dhe sot është 950 dhe brenda mandatit të 4 tonin do të jetë 1250 euro. Deri në fund të mandatit të ardhëm 430 shkollave që kemi ndërtuar do ti shtohen edhe 200 të tjera.
Kur ne morëm detyrën nuk kishte laboratorë, sot kemi laboratorë inteligjentë në 340 shkolla dhe brenda mandatit të 4 do të jetë 1000 që do të thotë asnjë nxënës nuk do të mbetet pa akses në mësimin e teknologjisë digjitale. Do të ndërtojmë shoqërinë publike të transportit të nxënësve sepse ka plot fëmijë që duhet të mbështeten falas me transportin në shkolla. Palestra nuk kishte sot kemi mbi 200 palestra të reja në shkolla. Do të shtojmë edhe disiplina të tjera disiplina të tjera në shkolla dhe do të çojmë në 20 mijë të paktën numrin e nxënësve të angazhuar në një sport. Po ka plotë si ti që dëgjojnë kënetën dhe flasin kuturu. Në 11 maj votoni PS për Shqipërinë në Europë sepse kudo tjetër ka vetëm gropë’, tha ai.
Komente
