Igli Tare është në avantazh për t’u emëruar drejtor sportiv i Milanit. ‘Gazzeta dello Sport’ ka shkruar këtë të hënë se shqiptari është më favorit se Fabio Paratici, ndërsa Andrea Berta ka dalë nga gara pasi marrëveshja me Arsenalin është mbyllur. Ai do të lërë Atletico Madrid pas 12 vitesh për një aventurë në Londër.
Faktin që është në bisedime me Milanin, Igli Tare e ka pranuar edhe për Report TV, ndërsa 53-vjeçari është optimist se do të arrijë shpejt të mbyllë marrëveshjen me ‘djallin’. Klubi milanez e kishte kërkuar Taren edhe në 2019, kur ai ishte drejtor sportiv i Lazios, por në atë periudhë shqiptari zgjodhi të mos e braktiste ekipin, duke mos e konkretizuar marrëveshjen.
Profili i Tares shihet si i duhuri te Milani, pasi në 15 vite me Lazion shqiptari ka treguar se është i aftë të ndërtojë ekip fitues. Kjo edhe pse përballë ka Fabio Paraticin, arkitektin e 9 titujve kampion me Juventusin, por edhe i 2 finaleve të Champions League. Megjithatë Paratici është një figurë më e komplikuar, pasi ka kontratë me Tottenham dhe është dënuar nga drejtësia sportive e juridike në Itali për çështjen e manipulimit të bilance te Juventusi.
Në rast se Tare konkretizohet te Milan ai do të kthehej në krye të detyrës afërsisht 2 vite pasi e mbylli me Lazion.
Komente
Super Tare, deshira ime si super tifoz I Milanit.
Përgjigju