Serbia goditet më rëndë nga tarifat doganore të njoftuara nga Donald Trump të mërkurën. Produktet serbe që do të futen në SHBA duke filluar nga 9 prilli do të mbajnë mbi shpinë një tarifë doganore prej 37 përqind. Në tabelën e publikuar nga Shtëpia e Bardhë, Serbia ka në kompleks tarifash doganore prej 74 % ndaj mallrave amerikane.
Tarifa e reciprocitetit të Trump është miratuar në gjysmën e kësaj vlere. Bosnja është shteti i dytë i goditur më fortë nga tarifat e reja doganore amerikane.
35% tarifë do të ketë çdo produkt boshnjak që do të futet në SHBA më Bosnjën që sipas SHBA ka një tarifë komplekse 70% ndaj SHBA. Maqedonia e veriut gjithashtu goditet rëndë nga SHBA.
Trump miratoi një tarifë doganore 33% për mallrat maqedonase, ndërsa ky shtet sic pretendon Shtëpia e Bardhë kishte tarifa 65% ndaj SHBA. Ndërkohë Kosova dhe Mali i zi janë shtetet me nivelin më të ulët të tarifave të reja doganore amerikane.
Produktet e të treja vendeve do të tarifohen me 10% taskë në doganë, I njëjti nivel që këto vende kishin më taskat e tyre doganore për SHBA.
Shtëpia e Bardhë sqaroi se në përllogaritjen e tarifave të reciprocitetit janë përllogaritur tarifat doganore ndaj mallrave amerikane, manipulimet që shtetet bëjnë me kursin e këmbimit duke ulur vlerën e monëdhës me qëllim rritjen e vlerës së eksportit të tyre në tregjet globale dhe barriera të tjera tregtare.
Komente
