Fondi monetar ndërkombëtar i sheh si të rrezikshme masat që Donald trump propozoi për 180 shtete. Drejtoresha e Përgjithshme e FMN, Kristalina Georgieva i tha Reuters se po bëjnë një analizë të thelluar ndaj tyre, por ndikimi i tyre për ekonominë botërore, sipas saj është i pashmangshëm.
"Jemi ende duke vlerësuar ndikimin makroekonomik të masave të njoftuara, por ato përbëjnë qartësisht një rrezik domethënës për perspektivën globale që po njeh një rritje të ngadaltë", tha ajo.
Shefja e FMN thotë se është e rendësishme që të shmangen masa të tjera të ngjashme nga shtetet që do të çonin në një përshkallëzim të situatës, çka duket e vështirë të paktën për momentin.
BE do të aplikojë tarifa të reja ndaj hekurit dhe aluminit amerikan duke filluar nga 15 prilli si kundërpërgjigje ndaj tarifave që Donald Trump prezantoi këtë javë. Presidentja e Komisionit Evropian në reagimin e saj të parë pas prezantimit të tarifave, tha se Europa do të përgjigjet por dore mbetët e shtrirë për negociata dhe mesa duket kështu do të ndodhë.
KE njoftoi se do të nisë menjëherë përpjekjet për nëgociata dhe marrëveshje të mundshme me amerikanët. Komisioneri Europian për tregtinë Maros Seferovic do të zhvillojë sot bisedën e parë në distancë më homologët e tij përtej oqeanit.
Qëndrimi më i ashpër në Europë ndërkohë ka ardhur nga presidenti francez. Emanuel Macron pas një takimi që zhvilloi me urgjencë në pallatin elize, u kërkoi industrialistëve të mëdhenj francezë të pezullojnë investimet në SHBA.
Italia me Giorgia Melonin vijojnë të mbajnë një qëndrim të ekuilibruar. Pas prezantimit të tarifave, kryeministrja Italiane u shpreh se ato janë të gabuara por jo katastrofike.
Kina do të vendosë tarifa doganore shtesë prej 34% për produktet amerikane nga 10 prilli. Pekini njoftoi gjithashtu se do të vendosë kontrolle të eksportit për 7 artikuj që lidhen me mineralet e rralla.
Komente
