Sekretari i Përgjithshëm i Shoqatës së Autoshkollave, Tonin Gjinaj ka folur në Report Tv pas ndryshimit të tarifave për pajisjen e lejedrejtimit nga DPSHTRR që ka bërë që një pjesë e autoshkollave në vend në ngrihen në protestë pasi sipas tyre çmimet e reja mund t’i çojnë drejt falimentit.
Ai thotë se këto tarifa nuk janë konsultuar me grupet e interesit, që sipas tij nuk janë konsideruar fare kur kanë marrë vendimin për rritjen.
"Protesta është zhvilluar në gjithë vendin. Problematika nuk është rritja e tarifave në mënyrë të njëanshme, por nuk është pyetur grupi interesit. Nuk ka një shkresë zyrtare që ne të jemi informuar. Ky është moskonsiderim i grupit të interesit, që preken nga këto tarifa, që janë katërfishuar", tha Gjinaj.
Ai thotë se këto rritje do ndikojën drejtëpëdrejtë në xhepin e qytetarëve, që sipas tij do t’i stepë ata.
"I rriten qytetarëve shqiptarë, se autoshkollat do ua marrin qytetarëve. Më problematike është se këto tarifa u vunë në zbatim në mënyrë të menjëhershme, ne kemi një kontratë me qytetarin. Tani gjendemi përballë drejtorive rajonale me shërbime të katërfishuara. Ne nuk i mashtrojmë dot qytetarët tanë. Në i parapaguajmë këtë shërbim", u shpreh Gjinaj.
Gjinaj kërkon formalizmin e këtij tregu.
“Kërkesa është që të formalizohet, se kemi punë në të zezë”, thekson ai.
Regjistrimi për provimin e praktikës 1000 bëhet 1800 lekë
Riprovimi i njohurive praktike (kategoria B) 500 bëhet 2200 lekë
Riprovimi i njohurive praktike (shtesë) 600 bëhet 2800 lekë
Rimarrja e patentës pas humbjes së pikëve 3000 bëhet 5000 lekë
Pajisja me lejedrejtim 3500 (10 vite) bëhet 4500 lekë (15 vjet)
Pajisja me lejedrejtim ndërkombëtare 500 (1 vit) bëhet 1000 lek (3 vite)
