Paris Saint-Germain ka njoftuar sot zyrtarisht nënshkrimin me këtë ekip të Leo Messit me një kontratë dyvjeçare me një opsion të vitit të tretë. Suprizë është fakti Messi do të mbajë numrin 30.
"Nënshkrimi i Leos përforcon aspiratat e Paris Saint-Germain, si dhe u siguron tifozëve besnikë të klubit jo vetëm një skuadër jashtëzakonisht të talentuar, por edhe momente të futbollit të jashtëzakonshëm në vitet e ardhshme", thuhet në njoftimin e PSG.
“Jam i ngazëllyer për të filluar një kapitull të ri të karrierës sime në Paris Saint-Germain. Çdo gjë në lidhje me klubin përputhet me ambiciet e mia të futbollit. Unë e di se sa të talentuar janë skuadra dhe stafi stërvitor këtu. Unë jam i vendosur të ndihmoj në ndërtimin e diçkaje të veçantë për klubin dhe tifozët, dhe mezi pres të dal në fushë në Parc des Princes ”, ka thënë Leo Messi.
