Për Achraf Hakimin ishin të interesuar shumë skuadra, ndër të cilët Bayern Mynchen dhe Manchester City-n, por sot marokeni ka zbarkuar në Milano për të kryer vizitat mjekësore me zikaltërit e Interit, të cilët pa lëshuar asnjë zë kanë arritur të sigurojnë një lojtar me të dhëna shumë të mira.
Për 23-vjeçarin zikaltërit i kanë paguar 40 mln euro Real Madridit, që ka edhe pronësinë e lojtarit, ndërkohë që 5 të tjera do të jenë në formë bonusesh. Për Hakimin do të jetë një kontratë 5-vjeçare me 5 mln euro në sezon.
Menjeherë pas vizitave Hakimi do të hedhë të zezën mbi të bardhë, ndërkohë që te Interi priten edhe transferta të tjera me bujë këtë sezon, si pjesë e projektit të klubit për të afruar sa më shumë në elitën e futbollit italian dhe jo vetëm.
Komente
