Furtunë në Inspektoriatin Shtetëror të Mjedisit, Pyjeve, Ujërave dhe Turizmit në Tiranë, shkarkohen nga puna 15 zyrtarë, mes tyre kryeinspektori, 8 inspektorë pyjorë dhe për 6 inspektorë mjedisorë, për akte korruptive apo abuzime me detyrën.
Rezultatet e Task Forcës Antikorrupsion i njoftoi si çdo javë Ministrja e Drejtësisë, Etilda Gjonaj që është njëherësh Koordinatorja Kombëtare e Antikorrupsionit.
Gjonaj theksoi se pas denoncimeve apo informacioneve që qytetarët kanë dhënë në platformën e bashkëqeverisjes shqiperiaqeduam.al, janë kryer kontrolle dhe inspektime edhe Spitalin Universitar Obstetrik Gjinekologjik “Koço Gliozheni” në Tiranë si dhe Inspektoriatin Shtetëror Shëndetësor – Dega Rajonale Tiranë, ndërsa në total janë rekomanduar 36 masa disiplinore.
“Ndërkohë Ministria e Drejtësisë në bashkëpunim me Task Forcën Antikorrupsion ka dërguar në Prokurorinë e Rrethit Gjyqësor Tiranë, një raport lidhur me shkeljet e gjetura në Drejtorinë e Përgjithshme të Burgjeve për një procedurë të prokurimit publik. Nga kontrolli kanë rezultuar veprime të dyshimta të Komisionit të Vlerësimit të ofertave, çka ka bërë që raporti i kontrollit t’i dërgohet Prokurorisë për veprime të mëtejshme”,- u shpreh ministrja
Në raportin e përjavshëm ajo e vuri theksin edhe tek rezultatet e Policisë së Shtetit, e cila në bashkëpunim me organin e prokurorisë kanë evidentuar 27 vepra penale në fushën e korrupsionit dhe abuzimit me detyrën nga ana e punonjësve të administratës publike dhe janë proceduar penalisht 37 autorë.
Po ashtu, Shërbimi i Kontrollit të Brendshëm në sistemin e burgjeve ka rekomanduar marrjen e masave administrative për 3 drejtues të Insitucioneve të Ekzekutimit të Vendimeve Penale për shkelje të ligjit dhe shpërdorim të detyre.
“Këto rezultate dhe efekti i drejtëpërdrejtë që kanë ato në perceptimin e publikut për nivelin e korrupsionit në vend, na motivojnë për të vazhduar me të njëjtën këmbëngulje dhe të njëjtën ashpërsi ndaj kujtdo punonjësi të administratës apo qytetari që do të kryejë akte korruptive”,- nënvizoi ministrja.
Komente
Deri më tani ETILDA GJONAJ është Ministrja më e SUKSEUSHME e Qeverisë Rama ! RESPEKTE ETILDA ! NXIJUA Jetën Krye HAJDUTËVE dhe HORRAVE të Zyrave të SHTETIT . FALENDERIME pafund për këtë Zonjë të Hekurt .
PërgjigjuPse nuk e jepni emrin e kryeinspektorit,
PërgjigjuJa pra o Edo mbushi ministrit me te rinj te talentuar qe duan te punojn dhe qe sjellin nga kto rezultate.
PërgjigjuMire ja u ben ktyre qe vjedhin parat e popullit. Suksese dhe ne si popull na ke me vete.
PërgjigjuE kam ndjekur cdo jave deklaraten e ksaj ministres dhe cdo jave ka denoncuar rraste korrupsioni dhe abuzimi me detyren. Mendoj se eshte nga te paktat zyrtare qe e ka marr seriozisht pune e dhene dhe po jep rezultate. Urime
PërgjigjuMe ne fund po pastrohet administrat nga parazitet qe nuk bejn as nje pune nqs nuk marin leke edhe pse paguhen per punen qe bejn. Ju lumt
Përgjigjuketa kancelaret e gjykatave kur ke ndermend ti shkrish...pd&lsi&hajdut i ke te gjithe...
PërgjigjuSa shumë “helme” paska patur gjith këta vite..sa shumë abuzues kriminelë paska patur administrata në këta 28 vjet. Hiq e hiq e s paskan të mbaruar. Hiqini të gjithë dhe “restart” nga fillimi me njerëz të rinj me profil e karaktere europianë.
Përgjigju