Receta

Tasqebap me mish viçi nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

5 Mars, 11:16| Përditesimi: 5 Mars, 11:18

  • Share

Tasqebap me mish viçi

Përbërësit:

  • 500 gr mish viçi
  • 2 lugë gjelle vaj ulliri
  • 1 qepë e madhe
  • 2 thelpinj hudhër
  • 2 domate të pjekura
  • 1 lugë gjelle salcë domatesh
  • 1 lugë çaji spec i kuq pluhur
  • ½ lugë çaji piper i zi
  • 2 patate të mesme
  • 1 karrotë
  • 1 gjethe dafine
  • 1 filxhan çaji ujë ose lëng mishi
  • 1 lugë çaji majdanoz i freskët
  • Kripë sipas shijes

Përgatitja:

Në një tenxhere ngrohim vajin e ullirit dhe skuqim mishin derisa të marrë një ngjyrë të lehtë kafe. Shtojmë qepën dhe hudhrën dhe i kaurdisim derisa të zbuten. Shtojmë domatet e grira, salcën e domates, specin e kuq pluhur, piperin dhe kripën. I përziejmë mirë dhe i lëmë të ziejnë për 5 minuta. Shtojmë patatet dhe karrotën dhe vijojmë me kaurdisjen për 2-3 minuta. Më pas shtojmë ujin ose lëngun e mishit, gjethe dafine dhe e mbulojmë tenxheren me kapak. E lëmë të ziejë në zjarr të ulët për rreth 40-50 minuta, derisa mishi të jetë i butë dhe salca të jetë trashur. E shërbejmë tasqebapin të ngrohtë me bukë të freskët duke e zbukuruar me majdanoz të grirë.

MC/ReportTv.al
Komento

Komente

  • Sondazhi i ditës:

    Zgjedhjet e 11 majit, cila listë e kandidatëve iu bind më shumë?