Receta

Tavë dheu tradicionale me mëlçi nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

8 Maj, 11:29| Përditesimi: 8 Maj, 11:30

  • Share

Tavë dheu tradicionale me mëlçi

Përbërësit:

  • 300 gr mëlçi
  • 300 ml lëng mishi
  • 3 lgj gjizë
  • 1 lgj miell misri
  • 1 kokërr qepë
  • 4-5 thelpinj hudhër
  • 2-3 lgj vaj ulliri
  • 1 lgj salcë domate
  • 1 lgj gjalpë
  • 1 tufë majdanoz
  • 1 lgj piper i kuq djegës
  • Kripë, piper i zi

Përgatitja:

Kaurdisim mëlçitë për pak minuta, i largojmë nga tigani dhe në po atë yndyrë kaurdisim një qepë të grirë imët me pak kripë dhe piper. Sapo qepa të zbutet shtojmë lëngun e mishit dhe salcën e domates. E lemë në temperaturë të ulët për rreth 20 minuta. Ndërkohë tresim gjalpin dhe kaurdisim miellin e misrit derisa të marrë ngjyrë. Shtojmë gjizën, piperin e kuq, piperin djegës dhe thelpinjtë e hudhrës. Vazhdojmë kaurdisjen duke e trazuar derisa masa të bëhet e njëtrajtshme dhe më pas e shtojmë tek qepa së bashku me mëlçitë. E spërkasim gatimin me majdanoz të grirë dhe e lemë të marrë valë. Në momentin që yndyra del lart e kalojmë fërgesën në një tavë balte të nxehtë dhe e vendosim në furrë për rreth 20 minuta.

MC/ReportTv.al
Komento

Komente

  • Sondazhi i ditës:

    A besoni se zgjedhjet do ndikojnë në rrugën e Shqipërisë drejt BE-së?