Receta

Tavë kosi me mish qengji nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

3 Prill, 12:25| Përditesimi: 3 Prill, 12:26

  • Share

Tavë kosi me mish qengji

Përbërësit:

  • 1 kg mish qengji
  • 3 lugë gjelle oriz
  • 2 lugë gjelle gjalpë
  • 1 lugë gjelle miell
  • 1 litër kos
  • 3 vezë
  • Kripë, piper

Përgatitja:

Lyejmë një tavë me pak gjalpë dhe vendosim mishin e qengjit të prerë në copa. E kriposim dhe e pjekim në furrë me 200°C për rreth 30-40 minuta derisa të marrë një ngjyrë të artë , duke shtuar pak ujë gjatë pjekjes që të mos thahet. Ndërkohë në një tas përziejmë kosin me vezët dhe miellin derisa të bëhet një masë homogjene. Ngrohim gjalpin në një tigan dhe shtojmë përzierjen e kosit, duke e trazuar vazhdimisht. Pasi mishi të jetë pjekur, shtojmë orizin e shpëlarë në tavë dhe hedhim përzierjen e kosit sipër. E lëmë tavën e kosit të piqet në furrë në 180°C për 30-40 minuta. 

MC/ReportTv.al
Komento

Komente

  • Sondazhi i ditës:

    Trump tarifa doganore 10 për qind Shqipërisë, sa ndikon në ekonomi?