Receta

Tavë kremoze me perime dhe djathë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

21 Maj, 11:43| Përditesimi: 21 Maj, 11:46

  • Share

Tavë kremoze me perime dhe djathë

Përbërësit:

  • 1 qepë
  • 1 karrotë
  • 1 kungulleshkë
  • 1 domate
  • 300 gr kërpudha
  • 2-3 lgj vaj ulliri
  • 2 lgj gjalpë
  • 1 lgj miell
  • 400 ml pana
  • 100 gr djathë
  • Kripë, piper
  • Pak arrë moskat
  • Majdanoz i freskët

Përgatitja:

Në një tigan të madh ngrohim vajin e ullirit dhe kaurdisim qepën derisa të zbutet. Shtojmë karrotën, kërpudhat dhe kungulleshkën. I kaurdisim për disa minuta derisa të fillojnë të zbuten. Shtojmë domaten e grirë dhe e lëmë derisa të avullojë lëngu. Në një tenxhere tjetër shkrijmë gjalpin dhe skuqim miellin për 1 minutë. Shtojmë panën dhe e përziejmë derisa të krijohet një salcë kremoze. Rregullojmë shijen me arrë moskat, kripë dhe piper. Përziejmë salcën me perimet e përgatitura, shtojmë djathin e grirë dhe e trazojmë lehtë. Hedhim masën në një tavë të lyer me pak vaj ose gjalpë dhe e vendosim të piqet në furrë të parangrohur në 180°C për rreth 10 minuta.

MC/ReportTv.al
Komento

Komente

  • Sondazhi i ditës:

    Berisha kalon për gjykim për dosjen Partizani, a do të ketë drejtësi?