Receta

Tavë me kunguj në furrë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

9 Shtator, 11:52| Përditesimi: 9 Shtator, 11:53

  • Share

Tavë me kunguj në furrë

Përbërësit:

  • 5-8 kunguj të prera hollë
  • 1 gotë qumësht
  • 3 vezë
  • 2 lugë gjelle miell misri
  • 1/4 lugë çaji arrëmoskat
  • 50 gr djathë i verdhë
  • 30-40 gr djathë i kripur i thërrmuar
  • Kripë, piper i zi

Përgatitja:

Lyejmë tavën me pak vaj. Presim kungujt në feta shumë të holla dhe i vendosim njëra pas tjetrës nga buza drejt qendrës së tavës, duke formuar një spirale të ngjeshur. I spërkatim sipër me pak kripë dhe piper. Në një enë përziejmë vezët me qumështin, miellin, pak arrë moskat dhe djathin e verdhë të grirë. Hedhim masën e përgatitur mbi spiralën e kungulleshkave që të depërtojë deri në fund. Shpërndajmë djathin e kripur të thërrmuar mbi sipërfaqe dhe e vendosim tavën në furrë të parangrohur në 180°C për rreth 45 minuta. Nëse fillon të marrë shumë ngjyrë, ulim pak temperaturën.

MC/ReportTv.al
Komento

Komente

  • Sondazhi i ditës:

    Masakra me 2 viktima në Shkodër, sa të sigurt ndiheni?