Receta

Tavë me kungull dhe oriz nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

3 Tetor, 11:16| Përditesimi: 3 Tetor, 11:17

  • Share

Tavë me kungull dhe oriz 

Përbërësit:

1 kungull i madh ose 3-4 të vegjël

3 kokrra vezë

2 lugë gjelle ajkë qumështi

1 gotë e vogël qumësht (rreth 175 ml)

2 duar oriz

1 lugë çaji kripë

2-3 lugë gjelle miell me pak qumësht

3-4 lugë gjelle vaj ulliri

Përgatitja:

Grijmë kungullin në rende. Në një tas të madh shtojmë vezët, ajkën e qumështit, qumështin, orizin, kripën dhe kungullin e grirë. I përziejmë mirë derisa masa të jetë homogjene. Lyejmë një tavë me pak vaj ulliri dhe hedhim masën e qullit. Përziejmë miellin me pak qumësht derisa të bëhet një brumë i hollë. E hedhim në tavë, e hapim mirë dhe e spërkasim sipër me 3–4 lugë vaj ulliri. E pjekim në furrë të parangrohur në 200°C derisa të marrë një ngjyrë të artë e të bukur sipër.

I.M/ReportTv.al
Komento

Komente

  • Sondazhi i ditës:

    Begaj shpalli zgjedhjet në Tiranë pa pritur Kushtetuesen për Veliajn, si ju duket?