Tavë me patëllxhanë, domate e djathë
Përbërësit:
- 5-6 patëllxhanë
- 600 gr domate
- 1 lugë gjelle salcë domate
- 2 qepë mesatare
- 350 gr mocarela në feta
- 200 gr mocarela e grirë
- 100 gr parmixhano i grirë
- Vaj ulliri ekstra i virgjër
- Gjethe borziloku të freskët
- Kripë dhe piper
Përgatitja:
Presim patëllxhanët në feta rreth 1 cm trashësi. I vendosim në tepsi mbi letër furre, i lyejmë lehtë me vaj ulliri dhe pak kripë. I pjekim në furrë në 200 °C derisa të zbuten e të marrin pak ngjyrë, rreth 20 minuta. Në një tigan të madh kaurdisim qepët në vaj ulliri derisa të bëhen transparente. Shtojmë salcën e domates, e përziejmë 1 minut dhe më pas shtojmë domatet e prera në kubikë, kripë, piper dhe gjethe borziloku. E lëmë salcën të trashet për rreth 15–20 minuta. Lyejmë një tavë me vaj ulliri, vendosim një shtresë salce domate, më pas një shtresë patëllxhanësh. Hedhim mocarelën e freskët në feta, një pjesë të mocarelës së grirë dhe pak parmixhano. Përsëritim shtresat derisa të mbarojnë përbërësit, duke e mbyllur me salcë dhe djathë të grirë sipër. E vendosim tavën në furrë të parangrohur në 180 °C për rreth 35–40 minuta.
Komente
