Receta

Tavë me zarzavate nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

19 Shkurt, 11:40| Përditesimi: 19 Shkurt, 11:43

  • Share

Tavë me zarzavate

Përbërësit:

  • 2 qepë mesatare
  • 3 karota
  • 2 speca të kuq
  • 2 speca jeshil
  • 1 degë selino
  • 1 presh (pjesa e bardhë)
  • 2 kungulleshka
  • 2 patate
  • 2 domate të pjekura
  • 2 filxhanë kafeje vaj ulliri
  • 4-5 thelpinj hudhër
  • 2 lugë supe uthull
  • 1 tufë majdanoz
  • Kripë, piper i zi, rigon

Përgatitja:

Fillimisht lajmë të gjitha zarzavatet mirë dhe më pas i kullojmë dhe i presim në kubikë apo forma të rregullta. I vendosim në një tavë mesatare, shtojmë kripën, piperin, majdanozin, rigonin, domatet e prera në copa të mëdha dhe i përziejmë mirë me dy lugë. U hedhim përsipër vajin e ullirit dhe e vendosim tavën në furrë të ngrohur, në temperaturë 250 gradë për 30 minuta. Në 15 minutat e para i mbulojmë zarzavatet me një letër alumini, ndërsa 15 minutat e tjera i lëmë të piqen të zbuluara dhe të marrin një ngjyrë të bukur në sipërfaqe.  

MC/ReportTv.al
Komento

Komente

  • Sondazhi i ditës:

    Zgjedhjet e 11 majit, cila listë e kandidatëve iu bind më shumë?