Bota

Tbilisi, presioni i Rusisë ndaj Gjeorgjisë rrit tensionet

29 Korrik 2019, 11:50| Përditesimi: 29 Korrik 2019, 11:54

  • Share

Prej më shumë se një muaji, qytetarë të Republikës së Gjeorgjisë mblidhen në rrugë për të protestuar kundër asaj që shumë e quajnë nënshtrim të qeverisë së tyre ndaj Rusisë, trupat e së cilës pushtuan 20 për qind të territorit gjeorgjian 11 vite më parë.

Zemërimi i publikut shpërtheu pas ftesës që konservatorët në qeverinë e Gjeorgjisë i bënë deputetit komunist të parlamentit rus, Andrei Gavrilov, që të mbante një fjalim në parlamentin gjeorgjian.

Policia i shtypi me dhunë demonstratat e para, ndërsa Moska ka vënë sanksione ndaj Gjeorgjisë, me arsyetimin se protestat kanë si qëllim provokimin e Rusisë.

Portestat shkaktuan një krizë të re midis Tbilisit dhe Moskës.

Kremlini ndaloi fluturimet direkte mes dy vendeve dhe u bëri thirrje qytetarëve të vet të kthehen në Rusi për arsye sigurie.

Por, analistët thonë se kjo lëvizje ndëshkon ekonominë e Gjeorgjisë, e cila varet nga turizmi rus.

Në prapavijë të tensioneve të fundit qëndron pushtimi i tokave gjeorgjiane, Abkazia dhe Osetia Jugore, nga ushtria ruse në vitin 2008. Pavarësinë e tyre e njohin vetëm Rusia, Nikaragua, Venezuela dhe Nauru.

Rënien e ekonomisë gjeorgjiane pas sanksioneve ruse, shumë analistë e shohin si shenjë që këtë betejë ky vend i vogël nuk ka gjasa ta fitojë.

Komento

Komente

  • Sondazhi i ditës:

    Trump tarifa doganore 10 për qind Shqipërisë, sa ndikon në ekonomi?