VLORE-Tre persona të armatosur dhe maskuar kanë grabitur një dyqan celularësh mbrëmë në qytetin bregdetar. Autorët kanë pikasur momentin kur dy punonjësit po mbyllnin dyqanin dhe po bënin dorëzimin e xhiros ditore rreth orës 21:00 kur kanë ndërhyrë për t’i grabitur.
Nga të dhënat e para raportohet se kanë marrë 12 telefona. Ky është rasti i dytë i grabitjes brenda javës, pasi edhe pak ditë më parë tre persona me maska grabitën një dyqan në rrugën transballkanike duke marrë 36 telefona në mesnatë.
Pas njoftimit mbrëmjen e djeshme policia ka nisur hetimet për të zbuluar dhe arrestuar autorët, ndërsa për të shkuar në gjurmët e tyre po analizohen edhe pamjet nga kamerat e sigurisë.
Komento
Komente
