Operacioni Forca e Ligjit është zhvendosur ditën e sotme në Vlorë, ku i kërkon deklarimin e pasurisë 3 persona të dënuar më parë për prostituon dhe trafikim të lëndëve narkotike.
OFL i ka nisur formularin me shkrim për vetëdeklarimin e burimeve të pasurisë, shtetasve:
Elton Bushi alias Adriatik Canaj, banues në Vlorë, i dënuar në Itali për veprën penale “Shfrytëzimi i prostitucionit”;
Vasil (Agim) Çobo, banues në Vlorë, i dënuar në Itali për veprën penale “Trafikimi i narkotikëve”;
Klodjan Llanaj, banues në Vlorë, i dënuar për veprën penale “Prodhimi dhe shitja e narkotikëve”.
Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.
