OFL u ka dërguar formularët e vetëdeklarimit të pasurive pesë personave banues në Tropojë të cilët janë të dënuar për vepra të ndryshme penale, duke filluar nga vrasje e deri të kultivimi i lëndëve narkotike.
Kjo pasi dyshohet se ata kanë vënë pasuri nëpërmjet aktiviteteve të paligjshme.
Më konkretisht formularët do t'i plotësojnë Dorjan Jahelezaj banues në Tropojë, i dënuar për veprën penale “Rrëmbimi ose mbajtja peng e personit”. Grenit Hasanpapaj, banues në Tropojë, i dënuar për veprën penale “Vrasja me paramendim”. Kreshnik Haxhiaj, banues në Tropojë, i dënuar për veprën penale “Prodhimi dhe shitja e narkotikëve”.
Mark Lekndreaj, banues në Tropojë, i dënuar për veprën penale “Kultivimi i bimëve narkotike” dhe Milazim Ndreshaj banues në Tropojë, i dënuar për veprën penale “Vjedhja me armë”.
Këta persona kanë dy ditë kohë për të plotësuar me shkrim formularët, ndërsa më pas do t'i dërgohen OFL-së për verifikim.
Komente
