TIRANË- Zgjedhjet në Amerikë do të vijnë nëpërmjet ekranit të Report Tv në një transmetim maratonë! Të ftuar të ndryshëm në studio, por edhe lidhje live me Skype nga Amerika do t'i japin një panoramë më të plotë të asaj se çfarë po ndodhë në SHBA, në një ditë kaq të rëndësishme jo vetëm për amerikanët, por edhe për mbarë botën.
Analiza, parashikime, qëndrime pro dhe kundër do të vijnë për shqiptarët nëpërmjet ekranit të Report TV që do të nisë me hapësirën 'live' në orën 11:00 për të vijuar deri në mesnatë. Gjithashtu edhe për lexuesit online, Shqiptarja.com do ju sjellë informacionet më të fundit minutë pas minute, të plotësuar me foto dhe video, gjithçka në kohë reale.
A do të marrë Donald Trump një mandat të dytë apo Amerika do të ketë një president të ri? A do fitojë Joe Biden? Përgjigjet e këtyre pyetjeve dhe shumë të tjera mund t'i ndiqni në Report Tv dhe Shqiptarja.com. Gjithashtu ju mund të jepni edhe mendimin tuaj, duke votuar në sondazhin e Shqiptarja.com.
Në Indiana Donald Trump udhëheq me 59.3% dhe Joe Biden me 38.7%
Në Kentucky Donald Trump udhëheq me 60.4% dhe Joe Biden me 37.2%
Deri më tani në shtetin e Floridas janë numëruar 91% të votave
Donald Trump udhëheq me 50.7% të votave dhe Joe Biden me 48.5%
Në Texas deri më tani janë numëruar 62% e votave, Biden udhëheq më 50.8%
Në Virginia janë numëruar 30% të votave, Trump udhëheq me 58.3%
Në Ohio deri më tani janë numëruar 44% e votave, kryeson Biden me 54.5%
Në Karolinën e Veriut janë numëruar 66% e votave, kryeson Biden me 53%
Në Kansas janë numëruar 33% e votave, udhëheq Biden me 53.8%
Në Vermont janë numëruar 29% e votave, kryeson Biden me 66.2%
Pas Floridas, një tjetër shtet me shumë peshë në zgjedhjet presidenciale është dhe ai i Texas i cili ka 38 vota nga kolegji elektoral.
Edhe aty gara është e ethshme mes dy kandidatëve Trump dhe Biden. Teksa ka përfunduar 45 përqind e numërimit të votave, ato nxjerrin Biden me 50.4 % ndërsa Trump me 48.3 %.
Sipas Edison Research, Joe Biden kryeson me 85 vota nga Kolegji Elektoral ndryshe nga Trump i cili ka 55 vota.
Procesi i numërimit të votave vijon ende.
Në Florida mbyllet 89 % e numërimit! Trump kryeson me 50.1 % ndërsa Biden me 48.7 %.
Votimet kanë përfunduar në këto shtete si më poshtë. Sipas Edison Research, Joe Biden pritet të fitojë në Delaware D.C., Massachusetts dhe New Jersey
· Alabama
· Connecticut
· Delaware
· District of Columbia
· Florida
· Illinois
· Maine
· Maryland
· Massachusetts
· Mississippi
· Missouri
· Neë Hampshire
· Neë Jersey
· Oklahoma
· Pennsylvania
· Rhode Island
· Tennessee
Sipas një projeksioni nga New York Times, Joe Biden fiton Virginian e cila ka 13 vota nga kolegji elektoral si dhe shtetin e Vermont me 3 vota.
Deri më tani janë numëruar vetëm një përqindje e ulët e votave totale.
Qendrat e votimit sapo janë mbyllur në Karolinën e Veriut (15 vota elektorale); Ohio (18 vota elektorale); dhe Virxhinia Perëndimore (5 vota elektorale).
Ohio, i cili ka qenë prej kohësh një shtet përcaktues në zgjedhjet presidenciale tradicionalisht, çdo Republikan ka humbur.
Karolina e Veriut po shfaqet si një shtet i rëndësishëm, i cili ka parë shumë vizita të fundit nga Trump. Tani është koha për të parë nëse të gjitha ato vizita kanë dhënë rezultat.
Një prej shteteve më të rëndësishme në zgjedhjet Presidenciale, në Florida si dhe me peshën më të madhe të votave po sheh një garë shumë të fortë mes Donald Trump dhe Joe Biden.
Shifrat ndryshojnë nga momenti në moment por diferenca mes dy kandidatëve është shumë e vogël.
Sipas analistëve, Trump duhet të fitojë patjetër këtë shtet pasi do ta ketë shumë të vështirë më pas.
Sipas një projektimi nga CNN, Joe Biden do të jetë fituesi i shtetit të Vermontit ku do të marrë 3 vota nga Kolegji elektoral.
Donald Trump udhëheq në shtetin e Indianas dhe të Kentucky. Deri më tani ai po fiton me një rezultat të thellë prej 153 mijë votash ndërkohë që Biden ka 80 mijë vota në Indiana ndërsa në Kentucky 216,781 vota dhe Biden 159,875 vota.
Sipas CNN, Trump do të shpallet fitues dhe do të sigurojë 11 votat e kolegjit elektoral në Indiana dhe 8 në Kentucky.
Presidenti Donald Trump ka reaguar sërish për procesin e votimit. Përmes një postimi në Tëitter ai shkruan se votimet po shkojnë mirë në të gjithë vendin.
"Po ecim shumë mirë me votimet, faleminderit!" - shkruan Trump.
Ndërkohë edhe stafi i Biden ka reaguar. Ata thonë se do të jetë e vështirë fitorja por njerëzit ende vijojnë të votojnë.
"Fushata e Biden po bën gjithçka për të sjellë në votime votuesit të fundit këtu në Florida të Jugut, ku ka baza e tyre. Ata thonë se do të jetë e vështirë të fitosh: "ashtë një ngritje e vështirë për ne, por njerëzit ende votojnë atje", "Për ne është e vështirë, por këtu njerëzit ende votojnë" (Viviana Mazza, dërguar në Florida)" - tha stafi i Biden.
Kanë filluar të mbyllen votimet në disa pjesë të shtetit të Indiana dhe Kentucky
Pjesë të Kentucky, ku radhë të gjata njerëzish që prisnin të votonin u panë më herët këtë mbrëmje dhe Indiana shteti i nënkryetarit Mike Pence deklaroi se - sapo janë mbyllur.
Trump pritet të fitojë të dy shtetet tradicionale republikane.
Një e treta e votuesve amerikanë renditën ekonominë si çështjen që kishte më shumë rëndësi për ta kur vendosnin zgjedhjen e tyre për president, sipas një sondazhi dalës të Edison Research të martën.
Dy në 10 votues thanë se COVID-19, i cili ka infektuar më shumë se 9.4 milion njerëz në Shtetet e Bashkuara këtë vit dhe ka vrarë më shumë se 230,000, ishte çështja më e rëndësishme për ta.
Pabarazia racore u përmend gjithashtu nga dy në 10 votues, ndërsa të anketuarit e tjerë përmendën krimin dhe politikën e sigurisë dhe kujdesit shëndetësor.
Gjysma e votuesve thanë se ishte më e rëndësishme të përmbante koronavirusin edhe nëse dëmton ekonominë, sipas sondazhit të zgjedhjeve.
Edison Research, i cili përpilon rezultatet e votimit dhe rezultatet e zgjedhjeve të drejtpërdrejta zbuloi se katër në 10 mendojnë se përpjekjet e vendit për të përmbajtur koronavirusin po shkojnë "shumë keq".
34% e amerikanëve votojnë për ekonominë, 21 % votojnë pabarazinë racore, 18 % për koronavirusin.
Ndërsa Amerikanët filluan procesin e votimit këtë të martë zyrtarët e zgjedhjeve dhe aktivistët e të drejtave të votimit raportuan disa probleme të hershme në votimet në shtetet përcaktuese. , Sipas Jake Rollow, një zëdhënës i sekretarit të shtetit, në Michigan votimi po shkon normalisht.
Dhe në Florida, Sekretari i Shtetit Laurel Lee tha se nuk kishte raportuar incidente në shtet. Në bastionin demokratik të Milwaukee, Wisconsin, ndërkohë, zyrtarët nuk raportuan asnjë problem në qendrat e votimit.
Një përjashtim ishte në katër pika të shtetit kryesor të Karolinës së Veriut. Rezultatet e zgjedhjeve në të gjithë vendin do të vonohen të paktën 45 minuta pasi qendrat u hapën vonë.
Ndërsa votimi vazhdoi relativisht i qetë në shtetet kryesore, zyrtarët federalë dhe shtetërorë thanë se po punonin për të luftuar informacionin mashtrues të përhapur përmes thirrjeve anonime, të cilat dukeshin si qëllim për të dekurajuar njerëzit që të drejtoheshin në qendrat e votimit.
Për më tepër, shenjat e hershme treguan përballje të mundshme ligjore në Pensilvani, një fushë kryesore beteje që Presidenti Donald Trump fitoi ngushtë katër vjet më parë dhe ka kritikuar vazhdimisht për votimin e tij përmes postës.
Paditësit pretendojnë se zyrtarët në këtë qark periferik të Filadelfias kryen "para-anulim" të fletëve të votimit para orës 7 të mëngjesit të martën dhe i lejuan njerëzit të rregullonin defektet e perceptuara në fletët e tyre të votimit. Republikanët i kanë kërkuar një gjykatësi federal të urdhërojë zyrtarët e qarkut të lënë mënjanë çdo fletë votimi të ndryshuar.
I ftuar në Repolitix, kryetari i këshillit shqiptaro-amerikan në New Jersey, Haxhi Dauti u shpreh se qytetarët amerikanë e kanë humbur besimin tek Presidenti Donald Trump.
Sipas tij, Joe Biden i mbron interesat shqiptare, sidomos për çështjen Kosovë-Serbi. Ai tha se marrëveshja e arritur në Uashington, favorizon Serbinë.
"Njerëzit filluan të mos e besojnë pasi Trump bënte komente të ndryshme për trajtimet ndaj COVID-19. Aty e kuptuan njerëzit se sa serioz ishte si president. Kjo solli një përplasje të keqe ndaj Trump. Në 2016 ai ishte njeri i jashtëm, jo politikan. Njerëzit nuk e njihnin dhe dinin vetëm në bizneset që kishte. Tani njerëzit do të shohin punën e bërë deri më tani Trump. Problemi ynë më tepër i shqiptarëve, ne duhet të bazohemi tek çështja Kosovë-Shqipëri. Ajo marrëveshje që u arrit në Uashington ishte më shumë për Serbinë. Mundoi që ta fusi Kosovën në minishengen, ajo është ish Jugosllavia. Për Biden votova, e bëra përmes postës. Biden ka qenë dhe është miku ynë. Unë shpresoj që pas votimeve, shqiptarët duhet të organizohen. Kjo është votë elektorale" - tha Dauti.
Përveç votave të hershme, ka pasur një numër të lartë në disa prej qendrave të votimit në disa shtete të ShBA-së.
Deri tani pothuajse të gjitha shtetet kanë tejkaluar 50 përqind të numrit të votave të hedhura në zgjedhjet 2016.
Disa shtete, përfshirë Uashingtonin (105%) dhe Teksasin (108%) kanë regjistruar tashmë më shumë vota të hershme sesa pjesëmarrja totale e vitit 2016. Shtetet që nuk shënuan 50% përfshijnë New York (43%) dhe Pennsylvania (39.2%).
Në Pensilvani edhe pse ende nuk është tejkaluar 50 % i votave të 2016 janë shënuar radhë të gjata votuesish, ndryshe nga New Yorku i cili sot nuk ka pasur një numër të lartë votuesish.
Florida ka gati 9 milion vota të hedhura që përfaqësojnë mbi 93% të votave në 2016. Karolina e Veriut gjithashtu është një shtet që po shikohet nga afër është në 95% përqind të votave të hedhura në vitin 2016.
Ish-presidenti Bamir Topi i ftuar në Repolitix ka shprehur se cilin mbështet prej kandidatëve për President. Ai deklaroi se është një republikan tradicional, një zgjedhje që në fëmijëri.
"Unë jam një republikan tradicional. Nuk lidhet vetëm me një individ. Unë e kam një lloj edukate nga im atë që ndiqte 'Zërin e Amerikës'. Ngjarja më e rëndësishme që ka mbetur si emblematike. Në VOA anglisht, unë isha 12 vjeç kur babi më përkthente momentin e uljes së njeriut të parë në hënë. Që në atë moshë unë mbaj mend që im atë na orientonte, kishim një simpati për republikanët. Unë kam takuar shumë" - u shpreh Topi.
Në transmetim live me emisionin Repolitix ishin dy përfaqësues të komunitetit shqiptar në Michigan. Nga një lokal, ata ndjekin të gjithë procesin e votimeve si dhe emisionin Report Tv.
Një prej tyre u shpreh se shqiptarët votojnë për atë kandidat që është më afër shqiptarëve dhe që nuk duan ndarjen e Kosovës.
Edhe pse vijon procesi i votimit në ShBA, presidenti Donald Trump nuk e ka ndalur fushatën e tij.
Kjo vjen përmes rrjeteve sociale, ku Trump i bën thirrje të gjithë qytetarëve amerikanë që të dalin dhe të votojnë.
Gjithashtu ai shkruan se nën administratën e tij, ekonomia po rritet me ritme të shpejta dhe se brenda vitit të ardhshëm, ekonomia do të jetë më e mira në histori.
"Dil & VOTO! Nën administratën time, EKONOMIA jonë po rritet me ritmin më të shpejtë EVER me 33.1%. Viti i ardhshëm do të jetë VITI ME I MADH EKONOMIK në Historinë Amerikane!" - shkruan Trump në Twitter.
Presidenti Bamir Topi i ftuar në Repolitix u shpreh se ShBA do ta mbështesë gjithmonë Shqipërinë dhe nuk ka rëndësi kush zgjidhet president.
"Kam takuar 4 presidentë amerikanë. Me dy kam bashkëpunuar, me Obamën dhe Bush. Në darka pune. Kam takuar presidentin Clinton. Kam arritur me një eksperiencë personale, se sa më të mëdhenj të jenë njerëz, aq më të thjeshtë janë. Kam parë tek liderët europianë një distancim. Ata janë të vërtetë. Na konsiderojnë si një vëlla të vogël. Në marrëdhënie politike janë të vërtetë ndërsa ne nuk e dimë nëse jemi. Këdo që kam takuar, ata janë të thjeshtë. Aty është madhështia e tyre. Me personalitetin që kanë, nuk kanë nevojë të bëjnë ekzibicion. Formimin ja jep institucioni. Nuk janë të shtirur. Qasja e tyre me Shqipërinë nuk ndryshon. Ambasadorët e ShBA janë të jashtëzakonshëm. Nuk ka kohë administrata të jenë në asistencë të ambasadorëve dhe ata kanë autoritet të padiskutueshëm" - tha Topi.
Për ish-presidentin Bamir Topi, Shqipëria dhe Kosova kanë bërë hapa prapa në marrëdhëniet me ShBA-në. I ftuar në emisionin Repolitix, ai deklaroi se politikanët shqiptarë nuk kanë shfrytëzuar momentet gjatë vitit 2008-2009.
"NATO që udhëhiqet nga ShBA, ka ditur të orientojë vendet derisa të krijojë një lloj parazitizmi. Nuk i shkon përshtat asaj marrëveshje kur të gjithë këto vendet janë bërë pjesë e NATO-s. Historikisht ShBA pavarësisht presionit të Presidentit kanë qenë një afërsi ndaj shqiptarëve. Problemi ka qenë tek ne. Ne kemi shpërdoruar situata të favorshme për shqiptarinë. Viti 2008-2009 janë më të artat. Kjo nuk lidhet me Presidentin e radhës. Kjo ka të bëjë me politikanët shqitparë që nuk dinin të shfrytëzonin momentin. Administrata amerikane e di shumë mirë që afrimiteti i shqiptarëve me amerikën është i madh. Ne kemi bërë hapa prapa që nga 2009. Si mendoni ju që Kosovën e çliruan 10 vetë me dyfeqe. Kosova vërtet është territor ku jetojnë shqiptarë, por globalisht është një territor shumë i ndjeshëm. Amerikanët janë më konservatorë për çështjen shqiptare. Ballkani është shumë i rëndësishëm, nëse ne nuk jemi koshientë për situatën, ShBA-ja është." - tha Topi.
Për gazetarin Robert Papa nga New York, në ShBA nuk bëhet fjalë për zgjedhjen e mes Presidentit Trump dhe Biden, por do të jenë votat pro ose kundër Trump.
"Koha e Obamës kishte krijuar një ekonomi të mirë. Këtë vend e drejtojnë korporatat. Është një vend i madh. Ata marrin shumë asistencë sociale. Me Trump u bë një disbalancë. Nëse Teksasin e fiton Biden, do të jetë fundi i republikanëve se ajo prej kohësh është shtet i tyre. Në votën popullore, demokratët do të marrin më shumë. Në ShBA ka shumë Shqiptar. Këtë radhë do të jetë vetëm një votë pro ose kundër Trump. Ai nuk është si presidentët e tjerë. Ai flet më shumë. Është diçka ndryshe në politikën amerikan." - tha Papa.
I ftuar në emisionin Repolitix ish-presidenti Bamir Topi foli mbi zgjedhjet presidenciale në ShBA. Ai tha se elektorati demokrat ka pasur epërsi ndaj republikanëve por "lufta" do të bëhet në shtete specifike.
"Donald Trump është atipik, i drejtëpërdrejtë. Duke pasur dhe veshjen e politikanit, kam menduar se do të ishte i kujdesshëm. Mesa duket kanë totalisht një sistem dhe mentalitet tjetër. Ne gënjejmë veten. Duke i lënë 24 orë që të reflektojnë përpara zgjedhjeve. Ato janë nga një planet tjetër. Sido që të jetë përplasja e drejtëpërdrejtë. Profilet janë të ndryshme por tek e fundit, cilido të zgjidhet do jetë President i ShBA-së. Atje është një vend i madh me territore të gjëra. Me sistemin amerikan të votimit votohet përmes email. Gjërat po shkojnë normalisht. Kemi një ekuilibër të plotë. Në sondazhe kemi një përparësi të Biden por kjo nuk vendos rezultatin. Krijohen situata të çuditshme. Elektorati demokrat ka pasur një epërsi ndaj republikanëve. Gjërat janë vendosur në shtete specifike. Unë besoj që do të luhet me të njëjtin skenar. Nuk mendoj se ka pasur lëvizje të madhe demografike për të kthyer rezultatin. Vetëm për çështjen e pandemisë. Qytetarët e thjeshtë nuk influencohen tek karakteri global i marrëdhënieve. Ata shohin treguesit ekonomik. Pandemia krijoi probleme të shumta" - tha Topi.
Pandemia e shkaktuar nga Covid-19, ka bërë që një sërë votuesish tu drejtohen më herët qëndrave të votimeve duke bërë që rezultatet të jenë më të vështirat për tu parashikuar dhe për tu llogaritur.
Ndërsa amerikanët u drejtohen në qendrave të votimit të Martën, pyetja nuk është vetëm nëse Presidenti Republikan Donald Trump do të fitojë një mandat të dytë katër-vjeçar apo do të mposhtet nga rivali i tij Demokrat Joe Biden, por edhe kur do të bëhët I ditur rezultati .
Sondazhet e fundit të opinionit tregojnë se gara është mjaft afër në shtetet përcaktuese edhe pse Biden kryeson në sondazhet kombëtare.
Disa nga këto shtete nuk fillojnë të numërojnë votat e parakohshme derisa të mbyllen vendvotimet, dhe disa lejojnë që fletët e votimit nëpërmjet postës të mbërrijnë edhe pas Ditës së Zgjedhjeve të përfshihen për sa kohë ato janë nisur nga zyra postare me 3 Nëntor.
Nëse rezultati zgjedhor do të varet nga rezultatet në këto shtete, Amerika mund të jetë duke pritur për ditë të tëra.
Por cilat janë zhvillimet që priten të ndodhin sonte:
Në orën 22;00 - Edison Research do të bëjë publike rezultatet e para të sondazheve, bazuar në intervistat e marra pas votimeve të qytetarëve. Edison do të përsosë dhe azhurnojë rezultatet e sondazhit të saj kombëtar dhe shtetëror gjatë natës, duke mbledhur më shumë përgjigje të votuesve dhe duke rregulluar peshimin për të reflektuar pjesëmarrjen.
Ora 23:00 (Ora lokale Shqipëri) - Disa qendra votimi fillojnë të mbyllen në bastionet republikane në Indiana dhe Kentucky, të parat qëndra që mbyllen në vend.
Ora 00:00 (Ora lokale Shqipëri) - Votimi përfundon në Georgia, Karolina e Jugut, Virginia dhe Vermont.
Disa qendra votimi fillojnë të mbyllen në Florida, por shumë prej tyre qëndrojnë të hapura deri në orën 8 pasdite.
Ora 00:30 (Ora lokale Shqipëri) – Mbyllen qëndrat e votimit në Karolinën e Veriut, Ohio dhe Virxhinia Perëndimore.
Rezultatet fillestare nga Karolina e Veriut dhe Ohajo mund të favorizojnë Biden sepse shtetet filluan të numërojnë votat e hershme javë para Ditës së Zgjedhjeve. Karolina e Veriut numëron fletët e votimit që mbërrijnë deri në 12 nëntor nëse ato janë nisur deri më 3 nëntor. Ohio pranon fletët e votimit 10 ditë pas zgjedhjeve nëse ato janë nisur nga 2 nëntori.
Ora 01:00 (Ora lokale Shqipëri) - Votimi përfundon në Alabama, Connecticut, Delaëare, Florida, Illinois, Maine, Maryland, Massachusetts, Mississippi, Missouri, Neë Hampshire, Neë Jersey, Oklahoma, Pennsylvania, Rhode Island, Tennessee dhe Ëashington D.C.
Pensilvania nuk fillon të përpunojë votat e parakohshme deri në ditën e zgjedhjeve dhe shteti do të pranojë fletëvotimet me postë deri në tre ditë pas zgjedhjeve nëse atojanë nisur deri më 3 nëntor. Si rezultat, numërimi fillestar i votave nga Pennsylvania mund të tregojë një " mirazh i kuq ”duke favorizuar Trump derisa të numërohen fletët e votimit që mungojnë, thonë ekspertët.
Ora 01:30 (Ora lokale Shqipëri) - Reuters pret që të publikojë rezultatet e sondazhit kombëtar të Edison Research, me vlerësime përqindje të mbështetjes për Biden vs Trump.
Ora 02:00 (Ora lokale Shqipëri) - Votimi përfundon në Arizona, Colorado, Kansas, Louisiana, Michigan, Minnesota, Nebraska, Neë Mexico, Neë York, Dakota e Veriut, Dakota e Jugut, Texas, Ëisconsin dhe Ëyoming.
Ashtu si Pensilvania, rezultatet e hershme nga Michigan dhe Ëisconsin pritet të favorizojnë Trump sepse fletët e votimit nuk mund të numërohen para Ditës së Zgjedhjeve.
Arizona lejon që fletët e votimit të skanohen 14 ditë para zgjedhjeve.
Ora 03:00 (Ora lokale Shqipëri) - Mbyllen votimet në Ioëa, Montana, Nevada dhe Utah.
Ioëa lejon që zarfet e votave të hapen të Shtunën para zgjedhjeve dhe numërimet të fillojnë të hënën. Nevada lejon skanimin e fletëve të votimit të fillojë 14 ditë para zgjedhjeve dhe pranon fletët e votimit deri në shtatë ditë pas zgjedhjeve nëse atojanë nisur më 3 nëntor.
Ora 11:00 (Ora lokale Shqipëri) - Votimi përfundon në California, Idaho, Oregon dhe Ëashington.
Ora 05:00 (Ora lokale Shqipëri) - Sondazhet mbyllen në Haëaii.
Ora 06:00 (Ora lokale Shqipëri) - Votimi përfundon në Alaska.
Dhjetor 8
8 dhjetori është afati I fundit për kandidatët për Shtëpinë e Bardhë për të zgjidhur çdo mosmarrëveshje mbi totalin e votave dhe për të vërtetuar fituesin. Nëse një shtet nuk arrin të finalizojë numërimin e votave të tij deri atëherë, Kongresit nuk i kërkohet më të pranojë rezultatet e tij sipas sistemit të Kolegjit Zgjedhor.
Dhjetor 14
Anëtarët e Kolegjit Zgjedhor hedhin votat e tyre për president. Kandidati që merr shumicën e 538 votave elektorale në dispozicion, ose 270, fiton presidencën.
Në të gjitha, përveç në dy shtete, fituesi i votës popullore të shtetit fiton të gjitha votat e tij elektorale, të cilat janë të përcaktuara në raport me popullsinë. Në Maine dhe Nebraska, fituesit të votës popullore në të gjithë vendin i jepen dy vota elektorale, dhe votat e mbetura elektorale i akordohen fituesit të votave popullore në secilën prej distrikteve të kongresit të shtetit.
JAN 6, 2021
Kongresi mblidhet në 1 pasdite në orën lokale në Uashington për të numëruar votat elektorale dhe për të shpallur fitues.
JAN 20, 2021
Fituesi i garës presidenciale dhe partneri tij në garë betohen si president dhe nënkryetar në Kapitolin e SHBA në Uashington.
Për diplomatin Lisen Bashkurti, kandidati Joe Biden është më pranë interesave të Kosovës. I ftuar në Report Tv, ai tha se Biden e njeh mirë historinë e Kosovës.
"Është shumë e vështirë për ta parashikuar. Duke parë në përgjithësi garën elektorale, ideologjitë që ata përfaqësojnë, programet konkrete por dhe atmosferën e përgjithshmë, këto janë zgjedhjet shumë të ndryshme nga ato në 100 vite. Kemi filozofinë e republikanëve që kanë ndezur zgjedhjet si dhe Jo Biden me demokratët. ShBA ka pasur një tendencë për tu hapur në qeverisjen botërore që pas Luftës së Parë Botërore për tu bërë dhe drejtuese globale. Në Luftën e Dytë si dhe në luftën e ftohtë ka qenë shumë e angazhuar. Edhe pas tyre, roli i ShBA-së ka qenë shumë i rëndësishëm. Ardhja e Biden në Shtëpinë e bardhë do të thotë një person që e di më mirë historinë e Kosovës.
Edhe nga mediat kosovare duket se ka dy qasje të ndryshme. Në themelin e vetëm Shtëpia e Bardhë ka një qasje pozitive mbështetëse në Ballkan. Në përgjithësi, mosha të ndryshme nuk e kanë konsideruar moshën si problem në politikën amerikane. Kjo ka të bëjë me politikat e hapjes. trump ka qenë më i rezervuar në marrëdhëniet ndërkombëtare. Është tërhequr nga një sërë marrëveshjesh. Kjo nuk i ka shërbyer shumë marrëdhënieve ndërkombëtare. Ne kemi patur dhe vijojmë të bashkëpunojmë me universitetet amerikane. Nëse Trump nuk siguron mandatin e dytë ky është një reagim nga qytetarët amerikanë për mënyrën se si e kanë mbajtur premtimet e tij. Kemi parë mënyrën e menaxhimit të pandemisë nga Trump" - tha Bashkurti.
Në një fjalë për medien presidenti amerikan Donald Trump nga Arlington Virginia falendero të gjithë për fushatën elektorale, Trump u shpreh se ata po ecin shumë mirë në Arizona dhe në Teksas dhe se ata do të ecin shumë mirë në të gjithë vendin.
"Ndihem shumë mirë edhe pse pas aq shumë takimeve elektorale këmi pasur ngjirje zëri. Kemi zhvilluar 6 takime në një ditë", tha ai.
Ai u bëri thirrje amerikanëve të bëhën bashkë dhe të zgjedhin personin e duhur.
"Ne kemi arritur sukses të jashtëzakonshëm, ne kemi bërë një punë të jashtëzakonshme.Kemi shënuar një rritje të jashtëzakonshme të GDP-së. ne do të rritnin atë më shumë por ishte e pamundur për shkak të virusit" tha Trump.
Ndërkohë që theksoi se ata së bashku kanë bërë shumë punë për të mundur Koronavirus dhe kanë shpëtuar të pakëtn 2 million njerëz.
Në një lidhje live nga ShBA për Report Tv, artisti i njohur Frederik Ndoci shprehu mbështetjen e tij për Trump në zgjedhjet Presidenciale. Ai tha se një pjesë e mirë e intelektualëve votojnë për Donald Trump. Sipas tij, Biden është i përfshirë në korrupsion.
"Vetëm për të argumentuar pse duhet të fitojë Trump do më duhej dy ditë. Tani është një luftë shumë më e madhe mes dy poleve. Janë përplasje mes ideve të demokratëve dhe republikanëve. Është cilësuar nga disa kardinalë në Vatikan si dita e parë e apokalipsit botëror. Biden ka dështuar në 45 vite në politikat amerikane. Ai është thjesht një njeri që flet bukur. Jemi në një ndër vendet ku ka lindur e drejta e fjalës. Shqiptarëve nuk ua mbush dot mendjen se kush është më i mirë. Në përgjithësi, njerëz intelektual sot kanë votuar për Trump. Biden është i përfshirë në korrupsion." - tha Ndoci.
Në SHBA mbahet sot zgjedhjet presidenciale, ku votuesit amerikanë do të zgjedhin shefin e Shtëpisë së Bardhë mes dy kandidatëve Donald Trump dhe Biden.
Amerikanët kanë nisur të hedhin votën e tyre në kuti , megjithatë pjesëmarrja ndryshon në varësi të shtetit. Në Pensilvani, qytetin e lindjes së Biden filloi të krijoheshin radhë jashtë qendrës së votimit para agimit, para hapjes së qendrave në orën 7 të mëngjesit. Ndërkohë që në Nju Jork situata paraqitet totalisht ndryshe ku pavarësisht votimeve të shumta në fazën e hershme , ditën e sotme nuk kishte radhe për votime.
Mediat raportojnë se ekziston një ndjenjë që amerikanët janë më të angazhuar se kurrë në politikën gjithnjë e më të polarizuar të vendit
Mes Donald Trump dhe Joe Biden, deputeti i opozitës së re, Ralf Gjoni zgjedh këtë të fundit. I ftuar në Report Tv në transmetimin maratonë për zgjedhjet presidenciale në SHBA, Gjoni tha se Biden do i sillte gjeopolitikës një qetësi të munguar. Ai ka bërë krahasimin e Trump me Ramën duke thënë se është ekspert i marketingut, pra bën më tepër marketing sesa politik.
Për Gjonin, kjo ka qenë fushata më e mërzitshme që ka pasur Amerika.
"Mua nuk më ndryshon jetën as zgjedhja e Trump e as e Biden. Nuk do të ketë një ndryshim të madh në jetët tona, por në gjeopolitikën botërore zgjedhja e duhur do të ishte Biden. Ka qenë një fushatë e mërzitshme, dy kandidatë të lodhur të vjetër në moshë, Trump po garon vetëm me batuta, Biden duke atakuar Trump, "më votoni mua që të mos keni Trump".
Asnjë president amerikan nuk merren me çështjet e Brendshme Shqiptare, ato kanë problemin e tyre të mos njohjes së votave, ka 6 çështje në gjykata për të kontestuar disa votime dhe priten dhe hedhje të tjera në gjyq. As 5G nuk është prioritet i madh i Shqipërisë unë mendoj që Biden do ishte më i përshtatshëm, do i sillte qetësi rolit tradicional të Amerikës në botë.
Trump thotë disa të vërteta të parehatshme, bën marketing jo politik, si Rama. Shumica e kabinetit të tij i ka ikur, ose pushuar ose kanë dhënë dorëheqjen. Sepse Trump në të gjitha takimet që bëri dje u thoshte njerëzve "viti që vjen do jetë më i miri në historinë e Amerikës". Fiton fushatën me batuta dhe qeveris me batuta. në sot me Amerikanët jemi vëllezër krah për krah se të dy popujt vuajn show e dy njerëzve.
Biden do ishte një lajm shumë i mirë se do qetësonte gjakrat si brenda Amerikës dhe në botë. Do doja që të mos ishte lajm i mirë për lotarinë Amerikane që të mos ikin shqiptarë, mendoj se me lotarinë amerikane do jetë më i butë dhe më mikpritës, edhe ndaj shqiptarëve. Pop të mos kishte ndodhur COVID, Trump do e kishte më të lehtë që të merrte një mandat të dytë", tha Gjoni.
Për diplomatin Agim Nesho, Presidenti më i mirë për interesat e Shqipërisë dhe Kosovës është demokrati Joe Biden.
I ftuar në Report Tv, ai tha se eksperienca 27-vjeçare e Biden në marrëdhëniet ndërkombëtare është dhe më afër interesave të ngushta të Shqipërisë dhe të zhvillimeve në Ballkan.
"Zgjedhjet dhe sistemi elektoral tregon se i takon shteteve dhe përfaqësuesve elektoral. Të dy presidentët e ShBA kanë vizionin e tyre për zhvillimin e botës. Kanë dhe diferencat që ne na bëjnë ta konsiderojmë ShBA-në një aleat strategjik. Të dy kandidatët kanë diferencat. Për Shqipërinë dhe Kosovën, politika e Biden për shkak të eksperiencës së tij 27-vjeçare janë realiste. Presidenti Trump e konsideron zonën si gjithë zonat e tjera. Presidenti Trump ka vizionin e tij gjeostrategjik të botës dhe konsiderimin e rajonit jo të njëjtë me demokratët. Mes dy administratave, ne me atë të Biden jemi brenda atyre që ne presim se si do jenë zhvillimet në Ballkan. Me administratën e Trump ne mund të presim dhe surpriza të tjera. Gabimisht mund të bëhemi pre e fuqive të tjera" - tha Nesho.
Sipas diplomatit shqiptar, rritja ekonomike në ShBA do të ketë një ndikim të madh tek votuesit, duke i shtuar pikë Donald Trump-it në zgjedhje.
"Çështja e pandemisë që është një problem në të gjithë botën dhe ekonomia. Votuesi amerikan voton nëse mendon se jeta e tij do të jetë më mirë se sa ajo e 4 viteve më parë. Pandemia e prek direkt Trump. Vizioni i Trump ka qenë një hapje për të mos vuajtur ekonomia. Përpjekje shumë të mëdha po bëhen për ekonominë. Trump deklaroi se pati një rritje relative. Votuesit e sotëm mund të influencohen për shkak të një rritje të lehtë" - tha Nesho.
Kur ka vetëm pak orë që qytetarët amerikanë kanë filluar tu drejtohen qendrave të votimit, presidenti amerikan Donald Trump është shprehur se do ta shpallë fitoren, vetëm kur “të ketë fitore”.
“Nuk ka asnjë arsye për të luajtur lojëra. Unë mendoj se kam mundësi të larta për të fituar, por nuk e di se si i vlerësojnë mundësitë këtu. Mendoj se ka të bëjë nga madhësia e turmës”, tha Trump për “Fox & Friends” gjatë një interviste në telefon.
Në Shtetet e Bashkuara ka nisur procesi i votimit për zgjedhjet presidenciale amerikane, ku shefi aktual i Shtëpisë së Bardhë Donald Trump synon të marrë mandatin e dytë në këtë detyrë përpara rivalit te tij demokrat ish nen presidentit Joe Biden. Trump deklaroi se po fiton në Florida, Arizona dhe Texas, ndërsa theksoi se në Karolinën e Veriut dhe Pensilvani po ecim shumë mirë.
Ndërsa Biden e nisi ditën e zgjedhjeve me një vizitë në varrin e djalit të tij. Ai së bashku me bashkëshorten e tij shkuan në varrin e djalit, i cili ndërroi jetë në vitin 2015 nga kanceri.
Ndryshe nga Trump, Biden u shpreh se ndihet mirë por që do të ndihet më mirë kur e gjithë procesi të marrë fund. Ai u shpreh optimist për rezultatin e zgjedhjeve.
Fillimisht Biden vizitoi edhe shtëpinë e tij të lindjes dhe falënderoi të gjithë mbështetësit gjatë kësj fushate.
Më pas ai do të ndjekë zgjedhjet nga rezidenca e tij në Wilmington së bashku me familjen dhe dhe bashkëpunëtorët e tij të ngushtë.
Zgjedhjet presidenciale në Shtetet e Bashkuara të Amerikës janë fokusi ku është përqendruar e gjithë vëmendja e globit këtë të martë, e për pasojë edhe Shqipërisë. Për kreun e Republikanëve Fatmir Mediu zgjedhjet e 3 nëntorit të 2020 do shkruhen në histori si më të vështirat, ndërkohë që flet edhe për kartat e forta të Trump dhe Biden.
"Politika ka qenë e fokusuar në dy drejtime Trump duke përballuar pandeminë me hapjen e shoqërisë ekonominë dhe mbylljen e saj dhe Biden është më tepër në një politikë e cila ka të bëjë me mbylljen dhe kujdesin e pandemisë. Pastaj duke parë efektet e tjera ekonomike dhe sociale, kjo është beteja që bëhet sot për sot domethënë. Nuk ka pas një debat me heshtje të tjera, çështja është ekonomia dhe e ardhmja e Amerikës. Nga ana e Biden përballimi i pandemisë, ky ka qenë fokusi i debatit të bërë ditët e fundit", tha Mediu.
Domethënëse për Famir Mediun, është edhe pjesëmarrja në votime.
"Por me gjithë atë nuk mendoj që është shqetësim vetëm për debatet që po bëhen rreth votimit, kohës kur do shpallen rezultatet. Ajo që është problemi më i madh është rikthimi i protestave të dhunshme dhe po të shikosh në Washington dhe në York të gjithë bizneset kanë marrë masa për të vendosur barriera mbrojtëse që mos iu shkatërrohet biznesi
Por cilido të jetë rezultati i zgjedhjeve, Mediu thotë se të dy kandidatët për Presidentë i sheh mbështetës të rajonit, e veçanërisht Shqipërisë.
"Biden ka qenë një nga senatoret më të impolzuar për çështjet e rajonit dhe të Ballkanit, çështjet shqiptare. por dhe Trump ka treguar një lloj pragmatizmi, domethënë mbi të cilën duhet të gjykojmë ne si shqiptarë në vlefshmërinë dhe marrëdhënien që duhet të krijojmë me shtëpinë e bardhë", përfundoi Mediu.
Presidenti amerikan me anë të një video u ka bërë thirrje shtetasve amerikanë të shkojnë drejt qëndrave të votimit, sipas tij për të mos e ndalur vrullin e punës së jashtëzakonshme 4 vjeçare dhe për të vazhduar atë në 4 vitet në vijim.
Në video e tij Trump paraqitet duke kërcyer dhe u kërkon votuesve amerikanë që kjo gjë të mos ndalet.
Votuesve amerikanë u ka bërë thirrje edhe djali i madh I trump Donald Trump Junior, i cili ka theksuar se qytetarët amerikanë duhet të zgjedhin demokracinë mbi marksizmin. Zgjidhni me mençuri dhe votoni Trump është shprehur Trump Junior.
Zgjedhjet presidenciale të SHBA zhvillohen më 3 nëntor, por a ka mundësi që kandidati me më shumë vota nuk do të jetë fituesi. Kjo në fakt sepse presidenti nuk zgjidhet drejtpërdrejt nga votuesit, por ai që njihet si kolegji zgjedhor.
Pra, për kë votojnë amerikanët?
Kur amerikanët shkojnë në votime në zgjedhjet presidenciale, ata në të vërtetë votojnë për një grup zyrtarësh që përbëjnë kolegjin zgjedhor. Fjala "kolegj" i referohet një grupi njerëzish me një detyrë të përbashkët, të zgjedhin presidentin dhe nënkryetarin. Kolegji elektoral mblidhet çdo katër vjet, disa javë pas ditës së zgjedhjeve, për të kryer detyrën.
Si funksionon kolegji zgjedhor?
Numri i zgjedhësve nga secili shtet është në përputhje me madhësinë e popullsisë së tij. Secili shtet merr aq zgjedhës sa ka ligjvënës në Kongresin Amerikan. Kalifornia ka më shumë zgjedhës - 55 - ndërsa një pjesë e vogël shtetesh të populluara rrallë si Wyoming, Alaska dhe North Dakota (dhe Washington DC) kanë minimumin e tre. Janë gjithsej 538 zgjedhës, secili prej tyre përfaqëson një votë elektorale dhe një kandidat duhet të fitojë shumicën e votave, 270 ose më shumë - për të fituar presidencën.
Në përgjithësi, shtetet i japin të gjitha votat e kolegjit elektoral kujtdo që fiton shumicën e votuesve në shtet. Për shembull, nëse një kandidat fiton 50.1% të votave në Teksas, atyre u jepen të gjitha 38 votat elektorale të shtetit. Prandaj është e mundur që një kandidat të bëhet president pavarësisht se ka më pak vota në të gjithë vendin.
Ka vetëm dy shtete (Maine dhe Nebraska) që ndajnë votat e kolegjit elektoral sipas proporcionit të votave që secili kandidat merr.
Kjo është arsyeja pse kandidatët presidencialë synojnë "shtetet lëkundëse" specifike - shtetet ku votimi mund të shkojë në të dy anët - në vend që të përpiqen të fitojnë sa më shumë votues në të gjithë vendin.
A ka humbur një kandidat votën e publikut por prapëseprapë është bërë president?
Po. Në fakt, dy nga pesë zgjedhjet e fundit u fituan nga kandidatë që kishin më pak vota nga publiku i gjerë sesa rivalët e tyre. Në vitin 2016, Donald Trump kishte gati tre milion vota më pak se Hillary Clinton, por fitoi presidencën sepse kolegji zgjedhor i dha atij një shumicë. Në vitin 2000, George W Bush fitoi me 271 vota elektorale, megjithëse kandidati demokrat Al Gore fitoi votën popullore me më shumë se gjysmë milioni.
Edhe tre presidentë të tjerë janë zgjedhur pa fituar votën popullore, të gjithë në Shekullin 19: John Quincy Adams, Rutherford B Hayes dhe Benjamin Harrison.
Pse u zgjodh ky sistemi?
Kur kushtetuta amerikane ishte duke u hartuar në 1787, një votë popullore kombëtare për të zgjedhur një president ishte praktikisht e pamundur. Kjo për shkak të përmasave të vendit dhe vështirësive të komunikimit.
Fati i presidentit të SHBA,do të përcaktohet nga të ashtuquajturat shtetet fushëbetejë - pasi ato sipas analistëve mund të fitohen nga secili kandidat.
Ndryshe nga shumica e shteteve - të cilat mbështesin hapur njërën ose tjetrën palë - ato nuk kanë një orientim të hapur dhe janë të mjaftueshme për ti dhënë shumicën e nevojshme në Kolegjin elektoral presidentit të arrdhshëm.
Fushëbetejë konsiderohen shtetet e Florida, Pensilvania, Michigan, Ëisconsin, Carolina e Veriut dhe Arizona konsiderohen të jenë shtetet kryesore të fushës së betejës.
Në një sondazh të fundit të RealClearPolitics tregohet se Biden ka një avantazh të qartë në disa prej atyre shteteve, në dy prej tyre ata ecin pothuajse njësoj ndërsa në njërin udhëheq ngushtë Trump.
Mesatarja e këtyre sondazheve që nga fillimi e ka treguar Biden kryesues, por Trump ka ngushtuar diferencën nga e hëna.
Florida: Biden kryson me 1.8%
Pennsylvania: Biden kryeson me 2.6%
Michigan: Biden kryeson me 5.1%
Ëisconsin: Biden kryeson me 6.7 %
Karolina e Veriut: Trump kryson me 0.2%
Arizona: Biden kryson me 0.9%
Zgjedhjet presidenciale të SHBA janë një event i cili ka tërhequr vëmendjen e të gjithë opinionit ndërkombëtar. Por momenti i hapjes dhe mbylljeve të qendrave të votimit ndryshon në 50 shtete që shtrihen në nëntë zona të ndryshme kohore.
Qendrat e para të votimit u hapën në Vermont, në orën 5 të mëngjesit.
Shteti i cili që nga viti 1992 është fituar nga demokratët, në 2016 votoi për presidentin Trump, duke ndikuar në ndryshimin e balancave.
Vermont është gjithashtu midis 13 shteteve që do të zgjedhin edhe guvernatorin, ku pretendent është Phil Scott, i konsideruar një republikan i moderuar dhe një zë tejet kritik ndaj Trump.
Në të kundërt, në Hawaii, i cili hap qendrat pak më vonë në orën 12:00.
Këtu është një listë e pjesshme e orëve të planifikuara të hapjes së qëndrave të votimit në disa zona.
06:00 EST: Connecticut, Indiana, Kentucky, Maine, New Jersey, New York, Virginia
07:00 EST: Kolumbia, Florida, Georgia, Illinois, Louisiana, Michigan, Missouri, Pennsylvania, Rhode Island, Karolina e Jugut
09:00 EST: Kolorado, Montana, Nebraska, New Mexico, Utah, Wyoming
10:00 EST: Kalifornia, Idaho, Nevada
Komente
trump do ta shpartalloje kete sharlatan te lodhur dhe ne 4 nentor globalistet dhe covid19 (pjella e tyre) do shkoje per lesh megjithe ta. forca president
PërgjigjuSHQIPTARET NE AMERIKE TE VOTOJNE BIDEN....
PërgjigjuOre Beno, rri ca biden thuaj. Foli bleona, tha qe ata do votojne per trumpin. Dhe po tha ajo mbaroi kjo pun