Receta e parë: Gjyveç me makarona
Përbërësit:
500 gr mish
3 lgj vaj ulliri
2 qepë mesatare
3 kokrra domate
Kripë, piper i zi
Gjethe dafine
2 lgj gjalpë
250 gr makarona fidhe elb
1 litër ujë
Përgatitja:
Mishin pasi e kemi prerë në copa e kaurdisim së bashku me qepën, më pas shtojmë domatet e grira imët, kripën, piperin e zi dhe gjethen e dafinës. Pasi lemë domaten të marrë një valë për 7-10 minuta shtojmë një litër ujë dhe e lemë gatimin të ziejë derisa mishi të zbutet.
Në një tavë ku do të gatuajmë gjyveçin shkrijmë pak gjalpë dhe kaurdisim makaronat fidhe në formë elbi, shtojmë në tavë lëngun e mishit të zjerë së bashku me domatet dhe qepën. Vendosim copat e mishit mbi të dhe sa të marrë një valë në sobë e spërkasim me pak piper të zi dhe e vendosim në furrë në temperaturën 190 gradë Celsius derisa shohim që fidhet e përthithim lëngun e mishit, por përsëri kanë mbetur pak të lëngshme (raporti është 1 masë makarona – 4 masa lëng).
Receta e dytë : Tost i skuqur me djath dhe proshute
Përbërësit:
4 feta buke
4 feta proshutë
4 feta djathë që shkrin
2 vezë
Peksimadhe
Kripë dhe piper
Përgatitja:
Në një fetë buke vendosim 1 fetë proshutë dhe 1 fetë djath. Më pas mund të vëmë edhe një fetë tjetër mbi të. I kalojmë me pak miell, më pas i kalojmë në vezë të rrahur dhe në fund i lyejmë me peksimadhe. Ngrohim vajin në tigan dhe i skuqim mirë nga të dy anët.
Receta e tretë: Banane të skuqura
Përbërësit:
2-4 banane
2 lugë gjelle gjalp
2 lugë gjelle sheqer
3 lugë gjelle konjak
Lëngu i 1 portokalli
Përgatitja:
Vendosim gjalpin në tigan. E shkrijmë atë dhe shtojmë sheqerin. Vendosim bananet dhe i skuqim mirë nga të dy anët. I skuqim me 3-4 lugë gjelle konjak dhe sapo të avullojë alkooli shtojmë lëngun e portokallit. E lëmë deri sa lëngu të thahet dhe të bëhet si salcë. I servirim duke vendosurnë pjatë bananet e skuqura dhe lëng.
Ju bëftë mirë!
Komente
