Receta e parë: Kotoleta qingji në letër
Përbërësit:
600 gr kotoleta qingji
2 lgj miell
2 lgj gjalp
200 gr bizele
2-3 karrota
150 gr djath kaçkavall
Kripë dhe piper i zi
Përgatitja:
Kotoletat i spërkatim me kripë e piper të zi dhe i pudrosim me pak miell. Shkrijmë gjalpin dhe I skuqim kotoletat deri sa të zverdhen pak. Ndërkohë në një tenxhere me ujë të valuar me kripë ziejmë bizelet dhe karrotat e prera në kubikë. Largojmë mishin dhe kaurdisim për 2-3 minuta bizelet dhe karrotat. Hapim një letër mbi tavë dhe vendosim poshtë si bazë 2-3 kotoleta të vogla. Mbi to vendosim bizelet e karrotat e më pas vendosim djath. E mbështjellim me letër dhe e vendosim në tavë me djathin lart dhe më pas e vendosim në furrë të nxehtë për 10-15 minuta. Mund të vendosim komplet edhe 4 racione së bashku dhe më pas ti ndajmë ose paketa individuale që mund të merren në punë apo piknik.
Kotoleta qingji në letër
Receta e dytë: Zupa
Përbërësit:
1 l qumësht
4 lgj sheqer
3 kokrra vezë
3 lgj miell
1 lgj niseshte
4 lgj arra të shtypura
4 lç sheqer
1 lç liker për 1 tas
1 lgj kakao
10 biskota savojard
Vanilje
Përgatitja:
Ziejmë qumështin duke lënë 1 gotë të ftohtë mënjanë. Në një tas rrahim vezët me sheqer e miell, gotën e ftohtë të qumështit dhe e trazojmë mirë deri sa të kemi një masë homogjene. Shtojmë masën homogjene tek qumështi I nxehte dhe e trazojme me tel vezësh deri sa krm të marrë valë e largojmë menjeherë duke shtuar dhe vaniljen. Nëse deshironi mund ta ndani kremin në dy tasa dhe mund të shtojmë 1 lugë gjelle kakao tek njeri tas . Në cdo tas vendosim në fund kremin ,njomin biskotat me liker ose shurup portokalli, i vendosim mbi krem , shtojmë 1 lugë gjelle reçel ose rrush të thatë dhe arra te therrmuara e krem. Nëse do treteni kremin me kakao e bejmë me shtres, ne fund e dekorojme me krem pana ose thjesht vetem me arra.
Zupa
Komente
