Receta e parë: Kunguj të mbushur
Përbërësit:
1 kg kunguj të njomë
350 gr qepë
500 gr mish të grirë
400 gr domate 80 gr oriz
Kripë dhe piper I zi
Kopër
Vaj
Përgatitja:
Pastrojmë kungujt duke i dhënë atyre formën që dëshirojmë, në formë tubi ose varkash. Më pas i japim një skuqje. Pjesën e brendshme të kungullit, e grijmë shumë hollë. Në një tigan të thellë kaurdisim qepën të grirë shumë hollë dhe mishin e më pas I trazojmë së bashku deri sa mishi të ndërrojë ngjyrë. Shtojmë orizin e domatet dhe i lëmë të ziejnë vetëm 7-8 minuta. E rregullojmë shijen me kripë, shtojmë erzat dhe largojmë mënjanë. Lyejmë një tavë me pak vaj, mbushim kungujt dhe i vendosim në furrë në temperaturën 190ºC për 30 minuta. Kjo recetë mund të përgatitet me salcë beshamel, salcë të kuqe, ose salcë domate sipër.
Kunguj të mbushur
Receta e dytë: Cheescake i ftohtë me limon
Përbërësit:
Baza 200 gr biskota digestive
100 gr gjalp
Kremi: 250 gr kos frutash me limon
250 gr krem djathi
250 gr pana e ëmbël
140 gr sheqer pluhur
50 ml lëng limoni
12 gr fletë xhelatine
Kremi dekorues:
2 limona (lëngu)
100 ml lëng portokalli
70 gr sheqer
20 gr niseshte
1 limon në feta për dekor
Përgatitja:
Grijmë biskotat dhe më pas e përziejmë ato me gjalpin e tretur. Në një tepsi unazë me diametër 23 cm vendosim letër pjekje. Derdhim biskotat të përziera me gjalpin dhe nivelojmë duke e ngjeshur me fundin e një gote. Vendosim tepsinë në akull për 15 minuta. Në një tas me ujë të ftohtë vendosim fletën e xhelatinës për ta zbutur për 10 minuta.
Ndërkohë rrahim panën me rrahëse elektrike deri sat ë na ngurtësohet. Në një tas tjetër bahkojmë kosin e frutave me kremin e djathit e sheqerin dhe I përziejmë mirë.
Më pas bashkojmë kremin e panës me kosin dhe kremin e djathit. I përziejmë mirë të gjitha së bashku në një tas. Shtrydhim një limon dhe lëngun e tij e vendosim në një xhezve. Shtojmë në të xhelatinën e zbutur në ujë të ftohtë. Vendosim xhezven në zjarr dhe e trazojmë vazhdimisht deri sa xhelatina të shkrihet dhe të kthehet në lëng. E largojmë dhe e lëmë ti bjerë pak temperature dhe e përziejmë me kremin. Më pas kremin e shtrojmë mbi bazën me biskota dhe e nivelojmë mirë dhe e vendosim përsëri në frigoriferë në fresk për 3 orë ( në akull për 1 orë).
Për dekorin përfundimtar shtrydhim 2 limona, i përziejmë mirë dhe e vendosim në zjarr për të zier 4-5 minuta. E trazojmë ti bjerë temperature deri sa të vaket. E hedhim mbi kremin e kekut dhe e nivelojmë me kurrizin e lugës. E vendosim përsëri në frigorifer për të ngrirë pjesën e sipërme 30 minuta. Në fund e dekorojmë me feta limoni sipas shijeve tona.
Cheescake i ftohtë me limon
Komente
