Lulelakër në furrë
Përbërësit:
1 kg lulelakër
2 kokrra vezë
1 gotë kos
1 gotë qumësht
100 ml vaj
1 lugë çaji pluhur pjekës
Kripë dhe piper i zi
1 lugë kafe piper i kuq
3 lugë gjelle miell
Majdanoz
4 qepë të njoma
150 gr djathë i butë që shkrin
Përgatitja:
Pastrojmë lulelakrën dhe e presim në lule të vogla. Në një tenxhere me ujë të valuar me kripë vendosim lulelakrën për të zierë, shtojmë në të 2-3 lugë gjelle qumësht për të larguar erën e pakëndshme të saj gjatë zierjes.
E ziejmë për 2-3 minuta dhe e kullojmë.
Ndërkohë në një tas rrahim 2 kokrra vezë, 1 gotë kos, 1 gotë qumësht, vaj, kripë, peper i zi, piper të kuq, miell dhe pluhurin pjekës.
I përziejmë të gjitha së bashku dhe e lëmë mënjënanë.
Lulelakrën e presim në copëza të vogla dhe e përziejmë në tasin me salsën që përziem në herët dhe shtojmë majdanozin me qepën e grirë hollë. Lyejmë një tavë me vaj dhe shtojmë në të lulelakrën e salcën e përgatitur. E vendosim në temperaturë në temperaturën 200 gradë Celsius për 15 min. E nxjerrim tavën nga furra, e mbulojmë sipërfaqen e saj me djathë të grirë dhe e vendosim përsëri për 15 minuta të tjera.
Ëmbëlsirë me 3 përbërës
Përbërësit:
1 petë sfoljatë
450 ml krem pane
200 g qumësht i kondensuar
Përgatitja:
Fillimisht presim petën sfoljetë në shirita me gjerësi 1.5cm. Vendosim shiritat në një tepsi ku kemi futur letër pjekje dhe i vendosim në furrën e parangrohur në temperaturë 200 gradë Celsius për 12 minuta. Më pas i nxjerrim dhe i ftohim.
Në një tas rrahim penën derisa të fillojë të ngurtësohet dhe shtojmë qumështin e kondensuar dhe e trazojmë përsëri.
Në një tepsi me gjatësi 30 cm, gjerësi 10 cm dhe lartësi 8 cm, shtrojmë celefon në të gjithë sipërfaqen. Vendosim fillimisht si bazë 3 lugë gjelle krem vendosim sërish shirita me sfoljetë dhe përsëri I mbulojmë me krem. Vendosim tepsinë në frigorifer për 8 orë. Nxjerrim ëmbëlsirën e kthejmë dhe largojmë celefonin. Me kremin që ka mbetur mbulojmë nga të gjitha anët ëmbëlsirën. Thërmojmë me dorë petat e mbetura dhe pudrosim ëmbëlsirën me copëzat e mbetura nga të gjitha anët.
Komente
