Pulë me patate dhe kos
Përbërësit:
2 qepë mesatare
5 thelpinj hudhra
500 gr fileto pule
Kripë dhe piper i zi
1 lugë kafe piper i kuq
1 spec i kuq
1 kg patate
1 lugë gjelle erza të thata
1 lugë kafe rozmarinë
3 kokrra vezë
1 lugë gjelle miell
700 ml kos
2 domate
Vaj ulliri
Përgatitja:
Në një tigan të thellë kavardisim qepën derisa të zbutet, shtojmë hudhrat, i kavardisim, me qepën dhe më pas shtojmë mishin e prerë në kubikë të vegjël. E kavardisim derisa të zbardhet mishi. Shtojmë kripë, piper të zi, piper të kuq, specin e prerë në shirita 3-4 cm. I përziejmë dhe më pas shtojmë patatet të prera në feta. I trazojmë, shtojmë erëzat, rozmarinë dhe i lëmë dhe pak të gatuhen. Më pas i shtojmë në një tavë. Presim domatet në feta të holla dhe i vendosim sipër patateve.
Në një tas rrahim 3 kokrra vezë, shtojmë miellin dhe I përziejmë përsëri vezë miell, kos duke rregulluar shijen me kripë dhe piper të zi.
Shtojmë kosin me vezë në tavë, duke mbuluar të gjithë sipërfaqen e tavës. Vendosim në tavë letër alumini dhe e pjekim në furrë në temperaturë 190 gradë Celsius për 25-30 minuta.
Ëmbëlsirë me biskota dhe krem
Përbërësit:
3 lugë çaji kafe mesatare
600 gr qumësht
Lëkur e 1/2 limoni
200 gr biskota
3 kokrra vezë
4 lugë gjelle sheqer
4 lugë gjelle miell
90 gr lajthi
100 gr çokollatë
Përgatitja:
Fillimisht përgatisim një kafe me pak sheqer si zakonisht. Në një tenxhere vendosim qumështin dhe 2 feta lëkurë limoni. E vendosim në zjarr për të marrë valë.
Në një pjatancë apo tepsi vendosim biskotat duke e mbuluar të gjithë sipërfaqen e enës.
Me kafen e përgatitur lagim të gjitha biskotat duke I spërkatur në tavë aty ku I kemi vendosur.
Në një tenxhere tjetër rrahim 3 vezë, 4 lugë gjelle sheqer, (por lugët jo t’I mbushim plot), i trazojmë me tel dore dhe shtojmë miellin. I trazojmë bashkë derisa të formohet një masë kremoze. Largojmë lëkurën e limonit dhe shtojmë qumështin në enën ku kemi përzierë vezët me sheqer dhe miell. Vendosim tenxheren në zjarr të marrë valë për 4-5 minuta dhe më pas, sa t’I bjerë pak vala e shtojmë dhe e nivelojmë mbi biskota.
E spërkatim sipër me lajthi të pjekura dhe të grira, e lëmë të ftohet dhe më pas e mbulojmë me çokollatë të copëtuar hollë.
E ndajmë në racione dhe përsëri shtojmë çokollatë të copëtuar.
Komente
