Salçiçe me sfoliatë
Përbërësit:
1 pako petë sfoliatë
1 pako salçiçe Tona
Djathë që shkrin (opsionale)
1 e verdhë veze
Përgatitja:
Fillimisht presim salçiçet në copa me trashësi 2-3 cm.
Në po këtë trashësi presim dhe rripa pete sfoliat dhe me gjatësi 20 cm.
Bashkojmë skalet e petës duke vendosur brenda në rrethin që krijojnë dy copa salçiçe, i tendosim lehtë dhe formojmë një formë vezake me salçiçet anash. (Pjesa e prerjes së salçiçes të jetë poshtë dhe lart).
Formojmë 3 të tilla, i afrojmë njëra pas tjetrës dhe i bashkojmë në mes me gishtin e madh dhe tregues të dorës ose me dy shkopinj tasqebabi. (I vendosim në tepsi ku kemi shtuar letër pjekje. Kështu kemi formuar një lule.)
Pjesën tjetër të sfoliatës e presim në katrore në brinjë 15 cm. Në fillim të çdo katrori vendosim horizontalisht 1 lugë gjelle djathë të grirë dhe 1 lugë gjelle salçiçe të prera në copëza të vogla.
I rrotullojmë role duke i ngjeshur lehtë deri në gjysmën e katrorit. Pjesën tjetër e presim deri në mes në rrita 1 cm. Vazhdojmë mbështjelljen duke bashkuar skajet dhe duke formuar një rreth. I vendosim në tepsi, i lyejmë me të verdhë veze dhe i pjekim në temperaturë 200 gradë Celsius, për 15 minuta.
Mëlçi pule me qepë dhe oriz
Përbërësit:
500 gr mëlçi pule
2 qepë mesatare
2 filxhan çaji oriz
1/2 gote verë e bardhë
600 ml lëng pule
Vaj ulliri, 1 lugë gjelle gjalp
Kripë dhe piper i zi
2 lugë gjelle majdanoz i grirë hollë
Përgatitja:
Fillimisht vendosim një tenxhere me ujë të valojë. Vendosim mëlçitë të marrin një valë për 3-4 minuta. I kullojmë dhe mund t’i lëmë në formën që janë, por edhe mund t’i presim në kubikë.
Në një tigan të thellë ngrohim vajin, ½ e gjalpit dhe shtojmë qepën të grirë shumë hollë.
(E lëmë qepën të zbutet, por pa marrë ngjyrë.) Shtojmë mëlçitë dhe vazhdojmë përzierjen për 2-3 minuta, shtojmë orizin dhe vazhdojmë përzierjen.
Shuajmë përbërësit në tigan me verë dhe e lëmë që të avullojë alkooli.
Shtojmë lëngun e pulës. Rregullojmë shijen me kripë dhe piper të zi. Ulim temperaturën në mesatare dhe lëmë orizin dhe mëlçinë të ziejnë për 14 minuta. Pasi të kalojnë 10 minuta nga koha e zierjes, shtojmë gjalpin e mbetur.
Vendosim kapakun dhe 4 minuta dhe gjithcka është gati. Servirim recetën në pjatë të spërkatur me majdanoz.
