Përbërësit:
1 petë sfoliatë
3-4 salçiçe
4 kokrra vezë
Piper i kuq
Përgatitja:
Në 4 forma mini torte vendosim letër pjekje . presim petën sfoliatë në 4 katrorë me brinjë 10-12 cm dhe vendosim petët mbi letrën e kuzhinës duke i dhënë formë.
Presim salçiçen në rrathë jo shumë të trashë dhe në çdo formë vendosim 4-6 rrathë salçiçe. Thyejmë vezën dhe e hedhim në mes të formës duke e spërkatur me pak kripë. Vendosim format në furrë në temperaturë 200ºC për 10-15 minuta. Në fund spërkatim vezët me pak piper të kuq.
Receta e dytë: Kofsha Pule Me Kungull Dhe Kërpudha
Përbërësit:
4-6 kofsha pule
1 qepë e vogël
250ml verë e bardhë
300gr kungull
300gr kërpudha
50gr ullinj të zi
Majdanoz
Vaj ulliri
Kripë, piper i zi
Përgatitja:
Fillimisht ngrohim vajin dhe kaurdisim qepën të grirë shumë imët. Vendosim më pas kofshët e pulës të marinuara me kripë dhe piper e të pudrosura me pak miell. I skuqim ato deri sa të zverdhen pak nga të gjitha anët. I shuajmë me verë të bardhë dhe i lëmë të ziejnë për 10 minuta duke i kthyer kofshët herë pas here. Gjatë zierjes i kthejmë kofshët e pulës nga të gjitha anët. Shtojmë kungullin e prerë në feta të holla, kërpudhat eprerë në feta, ullinjtë dhe i trazojmë ngadalë. Shtojmë pak kripë dhe piper të zi. Vendosim kapakun dhe i lëmë të ziejnë në temperaturë mesatare për 10-15 minuta. Në fund e spërkatim me 1 lugë gjelle majdanoz të grirë.
Komente
