Te Juventusi duket se ka kaluar furtuna pas eliminimit nga “Champions League”. Sipas ‘sportmediaset’ presidenti Agnelli dhe trajneri Allegri do të bisedojnë këtë javë për të vijuar bashkpunimin mes tyre. Pengesa e vetme në horizont është projekti që kanë palët për klubin. Në rast se Anjeli dhe Alegri do të bien dakord për objektivat, filozofinë e lojës dhe markaton në verë, atëherë ‘martesa’ do të zgjasë të paktën edhe për një vit tjetër.
Ëndrra e të gjithë tifozëve të Juventusit është Pep Guardiola, pasi pozitat e këtij të fundit te Manchester City janë lëkundur dhe spanjolli ka vlerësim pozitiv për ‘zonjën e vjetër’. Gjithsesi opsioni më i arritshëm në rast largimi të Allegri-t mbetet Dider Deschamps, me francezin që më pas mund të shërbejë si arsye plus për rikthimin e Pogba-s.
Komente
