Galatasaray fitoi 0-1 kundër Istanbulspor për javën e tretë në elitën e futbollit në Turqi. Goli i vetëm i ndeshjes u shënua nga Mauro Icardi në minutën e 42-të të ndeshjes. Veç kësaj, sulmuesi argjentinas ka "lënë nam" pesë minuta para golit të shënuar.
Ishte minuta e 37-të kur Mauro fitoi vetë një penallti, për t'ia lënë Akturkoglu ta godiste. Gjithçka ishte një plan i mirëmenduar më herët, me Akturkoglu që pasoi për Icardin, me këtë të fundit që bëri një gabim të pabesueshëm.
Pasimi me finesë nga shoku i skuadrës bëri që portieri sigurisht të dilte jashtë loje, me Icardin që edhe pse porta bosh e goditi topin jashtë. Sulmuesi ka dashur të imitojë Messin, me "Pleshtin" që në një rast ka shënuar në këtë formë me Barçën. Epo, ndonjëherë nuk është e lehtë të kopjosh Messin.
