Tirana, skuadra kampione e Superligës, pasi u eliminua në Champions League humbi 0-1 ndeshjen e parë të turit të dytë të Conference League kundër boshnjakëve të Zrinjski Mostar. Vendimtare ishte një penallti e shkaktuar në minutën e 12.
“Të gjithë ne s’duhet të ulim kokën, të pranojmë verdiktin e fushës. E kam thënë edhe herë tjetër që humbjen pranoje, por mos e duro. Kemi edhe një ndeshje javës tjetër. Të rikuperojmë energjitë por sidomos anën psikologjike,”-u shpreh Orges Shehi, trajner i Tiranës.
“Me thënë të drejtën jemi të mërzitur, por unë si Taulant u thashë shokëve se mërzitja është sot, por kokën lart nesër. Siç na e bënë këto golin ne me një gjys rasti, me penallti, mund ta bëjmë edhe ne atje. Kam besim shumë te skuadra dhe do e kthejmë rezultatin,”-deklaroi Taulant Seferi, futbollist i Tiranës.
“Nëse shikojmë ne kemi lojtarë që nuk janë në formën e duhur. Unë jam paksa i pakënaqur për 2-3 futbollistë që dihet se kush janë dhe nuk lozin mirë,”-tha Refik Halili, president i Tiranës.
Komente
Refik 2/2 e ka patur koeficentin 14 .
Përgjigju