Punonjësit e policisë së Elbasanit kanë marrë pjesë ditën e sotme në një aktivitet festiv në shkollën speciale "Zërat e Jetës", të organizuar për fëmijët me aftësi të kufizuara në kuadër të festës së 1 qershorit.
Motoja e kësaj feste në këtë ditë të veçantë për fëmijët është "të ndryshëm, por të barabartë".
Përgjatë aktivitetit u shpërndanë dhurata simbolike nga ana e punonjësve të policisë, ndërsa fëmijët patën mundësinë të shihnin nga afër mjetet, makinat e motorrat e Policisë. Efektivët e policisë organizuan lojëra me fëmijët duke i dhuruar momente të paharrueshme.
Mesazhi i Policisë së Elbasanit për festën e 1 Qershorit
Jemi mes jush, të ngjashëm, të ndryshëm, por të barabartë.
Policia e Elbasanit pranë fëmijëve me aftësi ndryshe për t'i uruar për festën e 1 Qershorit dhe për t'u argëtuar së bashku me ta.
Fëmijët me aftësi ndryshe janë pjesë e shoqërisë sonë, pjesë e ylberit vezullues. Ata nuk janë të frikshëm dhe as të “këqij”, janë thjesht fëmijë për t'u dashur pasi kështu kuptohet me mirë vlera e dashurisë me gjithë shkëlqimin që kanë këta fëmijë kanë brenda tyre.
Përmes aktivitetit festiv te shkolla speciale "Zërat e Jetës", punonjësit e Policisë së Elbasanit kishin mundësinë të ishin pranë këtyre fëmijëve, në festën e tyre, për tu argëtuar sëbashku me ta. Të pranishëm në këtë aktivitet ishin edhe Drejtori i DVP Elbasan Arjan Muça, prindër e mësues
Gjatë aktivitetit u shpërndanë dhurata simbolike nga efektivët e DVP Elbasan, ndërsa fëmijët patën mundësinë të shihnin nga afër mjetet, makinat e motorrat e Policisë
Policia e Shtetit uron 1 Qershorin për gjithë fëmijët, duke u gjendur pranë tyre në çdo nevojë që ata kanë.
Komente
