Kardiologu i njohur, Aurel Toma punon prej vitesh në Vjenë të Austrisë por nuk ka harruar kontributin për vendin e tij. I gjendur në Shkodër për trajnim me bluzat e bardha ai ka realizuar ndërhyrjen kirurgjikale mini invasive në zemër.
“Është hera e parë që ndodh në Shqipëri, ku pacienti i nënshtrohet ndërhyrjes mininvasive duke shmangur ‘by pass’ e zemrës”, u shpreh dr. Aurel Toma.
Teknologjia e mjekesise shqiptare nuk eshte shume larg standardeve europiane, ndaj dhe jane mundesite te ecet përpara, por Toma e sheh te rendesishme ndihmen qe duhet te jape Ministria e Shendetesise.
“Duhet trajnim i kolegëve këtu dhe materialet mjekësore. Është i rëndësishëm suporti i ministrisë që të sigurojë bazën materiale”, tha ai.
Kjo teknike duke nisur nga spitali rajonal i Shkodres do te perhapet edhe ne spitalet e tjera, gjithnje nese gjen mbeshtetjen e institucioneve.
“Jo vetëm më Shkodër, por dhe në Fier e Tiranë kolegët kanë dëshirë ta bëjnë këtë ndërhyrje, por duhet patjeter mbështetja e ministrisë”, shton dr. Aurel Toma.
Ndërhyrja kirurgjikale konsiston në hapjen e arterieve me mbyllje kronike të zemrës, duke shmangur “by Pass”. Përmes teknikes mini invasive mundohësohet rikthimi i funksionit të arterive të bllokuara të zemrës. Kjo teknike qe prej vitesh aplikohet me sukses ne vendet e zhvilluara, ul fatalitetin tek pacientet dhe koha e shërimit është më e shpejtë.
