Të shqetësuar një grup banorësh u mblodhën para bashkisë, pasi nuk kanë të ardhura të përballojnë koston e qirasë.
Nga prilli e këtej nuk marr bonusin e qirasë. Më kanë prish shtëpinë e dëmtuar nga tërmeti dhe ende nuk është bërë shtëpia e re. I zoti i shtëpisë ku jetoj aktualisht më kërkon paratë unë skam ku ti marr jam invalidë, jeton me 14 mijë lek në muaj”, tha një grua e moshuar.
Të tjerë qytetarë shprehen se: “Pallatin e kemi të papërfunduar, bonusin nuk e marrim prej muajit prill dhe detyrohemi të marrim para borxh për të paguar qiranë”
E kontaktuar për këtë çështje Bashkia Kurbin bën me dije se fondi për bonusin e qirasë i cili kap vlerën e 15 milion lekëve prej muajit prill nuk është alokuar nga Ministria e Financave.
Nga tërmeti i 26 nëntorit 2019 u preken afro 2 mijë familje. Aktualisht më shumë se gjysma e tyre kanë hyrë në shtëpitë e reja, ndërsa procesi i rindërtimit vijon për shtëpive individuale dhe pallatet.
