“Të keqen nëna fëmija ikën u larguan lanë pleqërinë vetëm”…
Nëna Fana pret në pragun e derës të shohë fëmijët. 85-vjeçarja nga fshati Shën Pjetër i Fierit, nga 8 fëmijë 6 i ka në emigrim.
“U larguan për një jetë të mirë, por nëna i do këtu, se nëna as ngrihet dot, po ca të bëjë nëna e shkretë i do fëmijët këtu me nipër e mbesa”, u shpreh Fana Llupi.
Fshati është përgjysmuar gjatë 5 viteve të fundit, tregon kryeplaku.
“Para 5-6 viteve kemi qenë 1800 banorë, ndërsa sot kanë mbetur 800. Janë larguar për arsye ekonomike. Tokat nuk i punojnë dot se s’ka subvencione nga qeveria. Për shembull disa familje nuk kanë marrë aktin e tokës në pronësi dhe pa atë nuk merr dot subvencionet e naftës. Me rritjen e çmimeve jeta sa vjen e vështirësohet dhe një pjesë zgjodhën të ikin në emigrim”, tha Agron Semani, kryeplaku i fshatit.
Në rrugë sheh veç të moshuar dhe shtëpi të braktisura. Shkolla prej vitesh është mbyllur, ka mbetur një kopsht fëmijësh, i rrënuar. Papunësia dhe mungesa e mbështetjes për bujqësinë janë shkaqet kryesore të emigrimit masiv.
“Papunësia i bën të gjitha. Fëmijët na kanë ikur na kanë braktisur. Kanë qenë 4 klasa gumëzhinte fshati. Tani kanë ikur të rinjtë jashtë vendit, ka 3-4 vite që nuk bëhet asnjë dasmë. Kush ka mbetur këtu?!”, thanë banorët Llukan Spiro dhe Lili Papa.
Shën Pjetri dikur ka qenë i populluar për shkak të pozitës gjeografike, pranë detit dhe vetëm 10 km nga qendra e Fierit.
Komente
Jo,nuk ka per t'u bertitur,por ka per t'i supertaksuar pse lane tokat djerre e fshatin shkrete! Po bashkohem me ty Iris. Shkuan punuan tokat e grekut pavaresisht se i detyroi deri te nderronin identitetin e emrin. Nga veteriner perfunduan punetore ndertimi ne Itali e Angli.
PërgjigjuJo,nuk ka per t'u bertitur,por ka per t'i supertaksuar pse lane tokat djerre e fshatin shkrete!
PërgjigjuKujdes se do tu bertase Rama.
Përgjigju