Dy gra vdiqën dhe pesë persona të tjerë u plagosën kur të shtënat me armë shpërthyen të dielën në mbrëmje në një park publik të mbushur me njerëz në Rochester, Nju Jork.
Si pasojë e të shtënave, Tyasia Manning, 25 vjeç, një punonjëse e qytetit, u vra, ndërsa një viktimë e dytë, Phylicia Council, 34 vjeç, vdiq pak më vonë.
Sipas mediave të huaja, qindra njerëz ishin në një tubim gjithë-ditor në Parkun Mapleëood të Rochester-it kur të shtënat filluan rreth orës 18:20, thanë autoritetet.
Hetuesit po hetojnë për të përcaktuar se çfarë e nxiti dhunën dhe kush ishte përgjegjës, por shefi i policisë David Smith tha se u qëlluan me armë të shumta.
“Kam ngritur sytë dhe dëgjoj dikë duke bërtitur. Ai ka një armë! Vraponi!” , tha një banore e Rochester, Shelly Strong e cila ishte pranë vendit të ngjarjes.
Pesë personat e tjerë të goditur nga plumbat pësuan plagë dhe lëndime të tjera, por janë jashtë rrezikut për jetën.
